Francesc Layret

Un article de Wikipèdia, l'enciclopèdia liura.
Salta a la navegació Salta a la cerca
Placa commemorativa a la carrièra Balmes de Barcelona

Francesc Layret i Foix (Barcelona, 10 de julh de 1880 - Barcelona, 30 de novembre de 1920) foguèt un politician e avocat catalan. Defensor del movement obrièr moriguèt assassinat per carrièra quand aviá pas que 40 ans, per encausa de son activisme politic lo 30 de novembre de 1920.

Biografia[modificar | modificar la font]

Francesc Layret nasquèt en 1880 dins una familha amonedada de relotgièrs de Barcelona de simpatia republicana. Lo jove Francesc se vegèt matrassat per una malautiá quand aviá sonque dos ans. Aquesta li portèt una paralisi de las cambas que l'obliguèt tota la vida a caminar amb de cròças. A partir de 1895 estudièt amb lo futur president catalan Lluís Companys, que venguèt puèi son amic, al Liceu Poliglot del Passeig de Gràcia. Dintrèt puèi a l'Universitat de Barcelona per i far a l'encòp de drech e de filosofia.

Activisme politic[modificar | modificar la font]

Tre la debuta del sègle XX fondèt amb Companys l'Associació Escolar Republicana, una entitat qu'amassava los estudiants favorables a las idèas federalistas de Francesc Pi i Margall. En 1902 participèt a la creacion del Ateneu Enciclopèdic Popular que ne venguèt president tre 1906.

Assassinat[modificar | modificar la font]

Tomba de Francesc Layret a Montjuïc

Lo 30 de novembre de 1920 lo governador civil de Barcelona d'aquel temps, Severiano Martínez Anido, realizèt una detencion massissa de militants del sindicat CNT, coma Salvador Seguí, e Lluís Companys amb l'intencion de los deportar al penitencièr de la Mola de Maó.