Francesc Gras Salas

Un article de Wikipèdia, l'enciclopèdia liura.
Salta a la navegació Salta a la cerca
Francesc Gras Salas
Francesc Gras en tot impartir ua conferéncia
Francesc Gras en tot arrecéber eth prèmi «El més amic de Reus»

Francesc Gras Salas (Reus, 30 de març de 1921) ei un mètge oftalmològ e escrivan catalan qu'a contribuït ara difusion dera memòria e istòria dera ciutat de Reus.[1]

Activitat medicau[modificar | modificar la font]

Membre d'un linhatge de mètges oftalmològs reusencs, iniciada peth sòn pair-sénher Francesc Gras Fortuny, estudièc era carrèra de medecina en Barcelona e es estudis de doctorat en Madrid. Exercic era sua especialitat d'oftalmologia en carrèr de Llovera nombre 35 de Reus entre es ans 1948 e 1999. Tanben siguec mètge der Espitau de Sant Joan de Reus pendent 20 ans.[2]

En hereuèr de 2012 hec donacion ath Espitau de Reus des utisi e aparelhs medicaus dera sua consulta, bèi uns de valor istoric. Aguesti utisi e aparelhs se pòden veir exposadi en un espaci dera planta -1 d'aguest espitau.[2] Tanben hec liuraments d'una trentia de volums dera publicacion Era Medecina Contemporánea. Revista Médica de Reus (publicacion reusenca de finau sègle XIX fondada peth sòn pair-sénher), ath Musèu d'Istòria dera Medecina de Catalonha, a Terrassa.

Activitat culturau e associativa[modificar | modificar la font]

Escriuec articles d'opinion ath Diario Español e Semanario Reus damb eth pseudonim "Suero Vital". Tanben collaborèc damb publicacions medicaus. Posterioraments tanben a escrit articles ath Diari de Tarragona e ara Guia de Reus.

A publicat sies libres dessús tematic reusenca:[1]

  • Fets i Gent de Reus. (1997)
  • Gent, racons i olors de Reus. (2000)
  • De Llevant cap a Ponent. Escrits. (2006)
  • Records de Reus. Quan es duien espardenyes, sales de ball reusenques, de la Guerra Civil i d’altres Records). (2009)
  • Parlem de Reus. De la seva gent i d'esdeveniments importants. Recull d'articles publicats. (2014)
  • Estimar i recordar la nostra ciutat. Recull de 43 articles publicats a la revista Lo Nunci del Centre d'Amics de Reus. (2019)

Siguec impulsor dera recuperacion dera entitat Associacion de Concèrts de Reus er an 1952, entitat que ne siguec membre deth conselh entre es decènnis de 1950 e 1970.[2] En hereuèr de 1956 participèc ara organizacion der aumenatge ara baraira reusenca Roseta Mauri. Eth 2009 impulsèc era realizacion d’un Cicle de Cramba en memòria deth pianista reusenc Pau Martí Roca.[1]

Siguec membre dera Congregacion dera Puríssima Sang de Reus entre es ans 1954 e 1964, entitat qu'impulsèc damb eth era restauracion deth presbiteri dera Glèisa dera Puríssima Sang de Reus dempús dera sua destruccion. Siguec nunci dera Setmana Santa de Reus eth 2007.[1]

Siguec impulsor dera entitat Guardadors dd laTronada, entitat que velhe pera mantenença dera tradicionau tronada dera Hèsta major de Reus.[1][3]

Pendent eth decènni de 1960 siguec vice-president deth Aero-club Reus-Costa Daurada.[1]

Eth 2003 siguec impulsor dera recuperacion dera figura der arquitècte reusenc Domènech Sugranyes Gras, qu'auie estat discipol d'Antoni Gaudí, pendent eth 125au anniversari dera sua neishença celebrada aqueth an. Entre autes actes se recuperèc era bastissa Sol i Mar de Salou, òbra der arquitècte e qu'a uns esgrafiats que se trobaven eth mau estat de conservacion, se placèc una placa ena sua casa natau deth carrèr des Galanes e se li dediquèc un carrèr.[1]

Er an 2009 hètz es gestions de besonh entà redescobrir era autoria per part de Lluís Domènech e Montaner dera Capèla Margenat ath Cementèri de Reus e s'i placèc una placa.

Eth 2012, era entitat Centri d'Amics de Reus li liurèc eth guerdon «El més amic de Reus» que distinguís es persones e entitats qu'an amiat a tèrme ua trajectòria importanta e an contribuït a vantar eth nòm de Reus.[4]

Referéncias[modificar | modificar la font]

  1. 1,0 1,1 1,2 1,3 1,4 1,5 et 1,6 Francesc Gras Salas “Més Amic de Reus 2012”
  2. 2,0 2,1 et 2,2 L'oftalmòleg Francesc Gras dóna l'equip de la seva consulta a l'Hospital de Sant Joan
  3. Guardadors de la Tronada. 50 anys d'història
  4. L'oftalmòleg Francesc Gras és 'El Més Amic de Reus 2012'