Francés Labòrda

Un article de Wikipèdia, l'enciclopèdia liura.
Salta a la navegació Salta a la cerca

Francés dit "Edmond" Labòrda neishut lo 20 de novembre 1854 au Gresèth e Cavanhan (Òlt e Garona). Amorós d’una hilha de proprietaris de Granhòus, se’n angut a París per hèser fortuna damb son mestèir de talhur per sol bagatge. S’entornèt pro ric per crompar bens, entr’auts lo shalet qu’abriguèva lo casinò de l’establiment termau de la Ròda a Cors. Maridèt Marceline-Jeanne Lançon e s’instalèt definitivament a Granhòus. Predicator e inventor, èra shafrat "lo profète". Poèta gascon, estut editat per l’Armanac Garonés damb lo nom d’Auzac. Sus la tomba de sa hemna, que retròba en 1937, es gravada l’inscripcion :


Parla bien doçament se hèis una prièra.

Se n’èri qu’endromit poirés me revelhar.

D’un somelh eternèl prefèri somelhar

Que de jamèi tornar respirar sus la tèrra.

S’as un sòu, garda-lo, tu qu’ès enqüèra en via.

Jo ne’n èi pas besunh, ací tot es per res.

E portant se te plai de m’aufrir quauquarrés,

Accèpti una flor per la senta Maria.