François Levasseur
François Levasseur (mòrt en 1652, Illa de la Tartuga) èra un oficier de marina eiganaud de la premiera mitat dau sègle XVII. Conquistèt l'illa de la Tartuga per lo còmpte de França.
Engenhaire militar de formacion, emigrèt sus l'Illa de Sant Cristòl dins lo corrent deis annadas 1620. I venguèt lo cap d'una companhiá de la milícia avans d'èsser nomat en 1639 director dei fortificacions de la colonia.
En 1640, foguèt mandat amb un centenau d'òme sus l'Illa de la Tartuga per Philippe de Longvilliers de Poincy, luòctenent-generau dau rèi de França dins la region deis Antilhas. Ne prenguèt lo contraròtle gràcias a la feblessa de la preséncia anglesa e au sostèn de la populacion, principalament formada de colons francés. Puei, bastiguèt de fortificacions importantas per tenir l'illa e se preocupèt d'i favorizar l'arribada de fremas europèas. En 1648, rebutèt una ataca anglesa. Pasmens, foguèt assassinat quatre ans pus tard per sei luòctenents lassats de la rigor e de la disciplina impausadas sus l'illa.