Formica fusca

Un article de Wikipèdia, l'enciclopèdia liura.
Sauter à la navigation Sauter à la recherche
Grauschwarze Sklavenameise Formica fusca 01 (MK).jpg

Formica fusca es una espècia de formiga de la familha de las Formicinae. Aquesta espècia es la pus abondanta e divèrsa del gènre Formica. S'encontran dins gaireben totes los airals umids temperats d'Amèrica del Nòrd e Eurasia. La grandor de las obrièras se situa entre los 4 e los 7, 5 milimètres. Per contra, las reinas fan demest 6,5 e 9,5 mm del temps que los mascles entre 8,5 a 9,5 mm. Sa color es negra amb de pautas e d'antenas marrons.

Los formiguièrs d' F. fusca son situats, mai que mai, dins d'aubres mòrts o en dessòta las ròcas. Aquesta formiga es poliginica, çò vòl dire que i a mai d'una reina dins cada formiguièr maugrat que pondon un nombre desparièr d'uòus : aquò entraïna que i a una reina mai importanta que las autras e que pond mai d'uòus. Lo nombre d'individús dins cada colonia atanben pòt èsser fòrça desparièr; entre 500 e 2000 especimèns. Se noirisson de pichons insèctes, de mèl producha per d'afids e tanplan del nectar de flors. Los vòls nupcials son normalament entre julhèt e agost