Fit for a King (grop)
|
Fit for a King (grop)
| |
|---|---|
.jpg) | |
| Naissença | |
| País d’origina | Estats Units |
| Genre(s) | Metalcòr
Christian Metal |
| Annadas activas | 2007–Ara |
| Labèl(s) | Solid State Records |
| Site Web | https://fitforakingband.com/ |
Fit for a King, tanben abreujat FFAK, es un grop de metalcòr american vengut de Tyler en Tèxas format en 2007.[1] Lo grop compren los guitaristas Bobby Lynge e Daniel Gailey, lo cantaire Ryan Kirby, lo bassista Ryan "Tuck" O'Leary, e lo bateire Trey Celaya.
A la debuta de lor carrièra, sortiguèron dos EPs independents entitulat Fit for a King en 2008, Awaken the Vesper en 2009 e fin finala un album estudiò Descendants, en 2011. Apuèi aquò lo grop signèt en ço de Solid State Records e sortiguèron cinc albums estudiò de mai: Creation/Destruction (2013), Slave to Nothing (2014), Deathgrip (2016), Dark Skies (2018), The Path (2020) e The Hell We Create, que sortiguèt lo 28 d'octobre de 2022.[2]
Istòria
[modificar | Modificar lo còdi]Grop independent (2007-2012)
[modificar | Modificar lo còdi]Es en Tyler, Tèxas, que Jared Easterling, Aaron Decur, Justin Juno, Jared McFerron, Alex Danforth e Jed McNeill formeguèron Fit for a King en 2007. Lo grop jogava un pauc localament abans de sortir dos EPs : Fit For a King en 2008[3] e Awaken the Vesper en 2009[4]. Aqueste an, lo grop decidiguèt de se consacrar a temps plen a la musica, çò que faguèt que McNeill e McFerron daissèron lo grop per contunhar lors estudis.
Ryan Kirby del grop Bodies Awake[5] (fondat en Fort Worth) se jonhèt al grop en 2010 per remplaçar Mason Wilson, qu'aviá recentament remplaçat Danforth coma cantaire lidèr. Lo guitarista Bobby Lynge, tanben ancian membre de Bodies Awake amb Kirby, se jonhèt al grop. Aqueste còla sortiguèt son primièr album estudiò independent, Descendants, en 2011. Amb la sortida de lor videoclip Ancient Waters, lo grop comencèt de se far connéisser.
Memtretant, lo bassista Decur daissèt lo grop en 2011 per seguir una carrièra dins la polícia e foguèt remplaçat per Aaron Kadura que tanben fa lo cant clar amb Easterling.
Solid State Records (2012-ara)
[modificar | Modificar lo còdi]En julhet de 2012, lo grop signèt en çò de Solid State Records.[6] Lo segond album estudiò Creation/Destruction sortiguèt en seguida lo 12 de març de 2013.[7] 3 100 albums se vendèron dins la primièra setmana.[8] Çò faguèt que Billboard classèt Creation/Destruction numerò 175, numerò 17 dins la categoria musica Christiana, e numerò 6 dins la categoria Hard Rock Albums.[9]
En 2013, lo grop tornèt enregistrar lor primier album estudiò independent, Descendants, e lo sortiguèt lo 25 de novembre la meteissa annada.[10] Billboard classèt aquel Descendants al numerò 38 de la categoria musica Christiania, e al numerò 8 de la categoria Heatseekers Albums.[11]
Lo tresen album estudiò del grop, Slave to Nothing, sortiguèt lo 14 d'octobre de 2014[12] amb tres singles coma Slave to Nothing amb Mattie Montgomery del grop For Today o encara A Greater Sense of Self.
Lo grop lancèt son quatren album estudiò Deathgrip lo 7 d'octobre de 2016. Òm pòt notar la participacion del cantaire del grop August Burns Red, Jake Luhrs, sus la cançon Dead Memory[13].
Lo cinquen album estudiò del grop sortiguèt lo 14 de setembre de 2018 jos lo nom Dark Skies. Abans aqueste sortida, lo grop lancèt un primier single, Tower of Pain, lo 1èr de junh de 2018.[14] Quatre autres singles sortiguèron en seguida : The Price of Agony, Backbreaker, When Everything Means Nothing e Oblivion.[15]
Lo 30 de setembre de 2018, lo guitarista Bobby Lynge prenguèt una pausa de las viradas e se separèt del grop pr'aquò s'entendiá plan amb los autres membres. Se justifiquèt pel besonh d'èsser amb sa familha e un interés per de projèctes novels. Pasmens, Lynge diguèt qu'èra encara implicat dins l'escritura de l'album seguent del grop e que benlèu farà la virada seguenta.
Lo 13 de Març 2020, lo grop desvelèt un nouvèl single entitolat Breaking the Mirror acompanhat per una vidéo amb las paraulas.[16] Lo 14 de mai, apuèi aver presentat de maquetas los jorns precedents, lo grop anoncièt pendent la pandèmia mondiala de COVID-19 una collaboracion suspresa amb lo grop We Came as Romans. La collaboracion impliquèt los dos cantaires dels grops dins un novèl enregistrament de lors darrieras cançons. Mentretant, los dos grops lançèron una linha de productes exclusiva per promòure aquesta collaboracion.
Lo 8 de julhet de la meteissa anada, lo grop anoncièt la sortida de que seisen album The Path per lo 18 de setembre 2020.[17] Lo 10 de julhet, lo grop lancèt un segond single entitolat God of Fire amb Ryo Kinoshita, lo cantaire del grop Crystal Lake.[18] Aquesta cançon foguèt seguida, lo 6 d'agost, per un tresen single : Locked (In My Head)[19]. Apuèi, lo 25 d'agost, lo grop anoncièt sus sos mèdias socials que lo quatren e darrièr single titulat Annihilation sortirà très jorns mai tard, lo 28 d'agost.[20]
Lo 16 de julhet de l'anada 2021, lo grop lancèt un nòu EP, Guardians of the Path, amb la collaboracion de l'autre grop de metalcòr August Burns Red.[21] Lo 3 de decembre, lo baterista fondator Jared Easterling anoncèt que daissèt lo grop per jogar dins lo grop Koe Wetzel.[22] Mai tard, foguèt Trey Celaya del grop Invent Animate que lo remplaçèt coma baterista.[23]
En 2022, Fit for a King lancèt dos singles nomenat Reaper, lo 23 de junh, e End (The Other Side) lo 10 d'agost, totes amb un videoclip.[24] Atanben, anoncièron la sortita de lor seten album estudiò, The Hell We Create, pel 28 d'octobre de 2022.[25] Aquela anonça foguèt seguida, lo 8 de setembre, pel tresen single nomenat Falling Through the Sky [26] e, lo 13 d'octobre, pel quatren Times Like This, amb Jonathan Vigil lo cantaire del grop The Ghost Inside.[27]
Membres del grop
[modificar | Modificar lo còdi]Membres actual :
- Bobby Lynge : guitara, segonda votz (2010 - ara)
- Ryan Kirby : cantaire (2014 - ara) ; votz metal (2010 - 2014)
- Ryan "Tuck" O'Leary : bassa, cant clar (2014 - ara)
- Daniel Gailey : guitara, segonda votz (2018 - ara)
- Trey Celaya : batariá (2021 - ara)
Referéncias
[modificar | Modificar lo còdi]- ↑ Brody B.. «Album Review: Fit For A King - Creation/Destruction». Indie Vision Music.
- ↑ «Artist Discography - Fit For A King». Jesus Freak Hideout.
- ↑ «JFH Music Review - Fit For A King EP». Jesus Freak Hideout.
- ↑ Seth Crisp. «JFH Music Review - Awaken The Vesper EP». Jesus Freak Hideout, 17/01/2014.
- ↑ «Ryan Joseph Kirby». Famous Birthdays.
- ↑ thrashboy. «Fit For A King’ Has Signed To ‘Solid State Records». Mauce.nl, 19/07/2012.
- ↑ Michael Weaver. «JFH Music Review - Fit For A King - Creation | Destruction». Jesus Freak Hideout, 10/03/2013.
- ↑ Rob Houston. «Fit for a King’s “Creation / Destruction” Enjoys Highest Debut in Solid State Records History». HM Magazine, 20/03/2013.
- ↑ «Hard Rock Albums: Marc 30, 2013». Billboard, 30/03/2013.
- ↑ Jon Rink. «JFH Music Review - Descendants». Jesus Freak Hideout.
- ↑ «Heatseekers Albums - December 14, 2013». Billboard.
- ↑ «Fit For A King – Slave To Nothing». Discogs.
- ↑ Loïc Cormery, Metal Obs', https://metalobs.com/fit-for-a-king-deathgrip/
- ↑ «NEWS: “Tower of Pain” from Fit For A King!». Metal Noise, 13/08/2018.
- ↑ «Fit For a King Discographie». Spirit Of Metal.
- ↑ Paul 'Browny' Brown. «Fit For A King Drop Delicious New Song ‘Breaking The Mirror’». Wall Of Sound, 13/03/2020.
- ↑ Adrien. «Fit For A King annonce son nouvel album The Path (détails & teaser)». Metal Zone, 08/07/2020.
- ↑ «Listen To Fit For A King's Crushing New Single, God Of Fire». Kerrang, 10/07/2020.
- ↑ Wookubus. «Fit For A King Premiere “Locked (In My Head)”». The PRP.
- ↑ Wookubus. «Fit For A King Premiere “Annihilation”». The PRP, 27/08/2020.
- ↑ Ricky Aarons. «Fit For A King & August Burns Red Drop Collaboration EP ‘Guardians of the Path’». Wall of Sound, 16/07/2021.
- ↑ Wookubus. «[theprp.com/2021/12/04/news/fit-for-a-king-announce-departure-of-drummer-jared-easterling/ Fit For A King Announce Departure Of Drummer Jared Easterling]». The PRP, 4/12/2021.
- ↑ Ricky Aarons. «Fit For A King Recruits Invent Animate Drummer Trey Celaya». Wall Of Sound.
- ↑ Emily Carter. «Fit For A King unleash first new single of 2022, Reaper». Kerrang.
- ↑ Ricky Aarons. «Fit For A King Deliver New Release ‘End (The Other Side)’ & Unveil 7th Studio Album». Wall Of Sound.
- ↑ Jack Rogers. «Fit For A King Share Colossal New Track ‘Falling Through The Sky’». Rock Sound.
- ↑ Heavy. «FIT FOR A KING Drop ‘Times Like This’ From Upcoming Album THE HELL WE CREATE». Heavy.