Filhas que sètz a maridar

Filhas que sètz a maridar es una cançon tradicionala. Foguèt interpretada per La Mal Coiffée :

Filhas que sètz a maridar (bis)
Siás pas tant cap levada
Que te lo faràn acatar
Quand seràs maridada

Quand seràs per te maridar
Que lo pressar te tengue pas
Siás ben intelligenta
E digas pas totjorn "òc ben"
Coma un tròç d'inocenta

Quand maridada ne seràs
Un pauc de melhor temps auràs
Un pauc mas non pas gaire
Que ton marit serà gelós
E mai un pauc renaire

Se te vòls anar passejar
Enluòc de te daissar anar
Qu'a l'ostal de ta maire
En mai encara te dirà
"I demòres pas gaire"

Al cap de nòu meses un an
Auràs un plan polit enfant
L'enfant serà ploraire
Tota la nuèit lo breçaràs
Non dormiràs pas gaire

Auràs lo cotilhon pissós
Auràs lo devantal crassós
Seràs la mal cofada
Maudiràs l'ora emai lo jorn
Que te sès maridada.