Fial d'Ariana (sotada)

Un article de Wikipèdia, l'enciclopèdia liura.
Salta a la navegació Salta a la cerca
Un debanador amb una bobina de 50 m de fial
Un sotaire debanant un fial d'Ariana per s'assegurar de trobar la sortida

Un fial d'Ariana es, en sotada, lo cable que lo sotaire tira en rèire d'el per proder trobar la sortida o lo retorn, subretot se la visibilitat es pas bona o nulla (particulas en suspension dins l'aiga).

Es bobinat sus un debanador. Lo sotaire vigila a lo ligar regularament a la paret que s'embrolhe pas. Las partidas reconegudas de sifon son mai sovent equipadas d'un fial d'Ariana fixe que lo sotaire fa pas que seguir per passar lo sifon e contunhar son camin. Lo sotaire deu pas jamai largar lo cable e, idealament, portarà de marcas regularas (indicacions de mestratge, flèchas, elastics de cambra d'aire), indicant clarament lo cap de la sortida. Las convencions utilizadas devon permetre a un sotaire de tornar trobar lo camin de sortida solament lo tocant, en abséncia totala de visibilitat. De tecnicas existisson per tornar trobar lo fial al cas que lo sotaire l'auriá perdut (usatge d'un debanador segondari pel sotaire). Es fòrça conselhar d'aver pas qu'un sol fial principal per galariá e de netjar sistematicament los ancians fials e los rèstes de fials parcialament arrancats per las aigadas per s'i embrolhar pas. En cas de brancament amb possibilitat de boclas entre galariás, lo sotaire dèu èsser plan vigilant al sens e al cap de la sortida. L'equipament del sotaire deu èsser concebut e simplificat de biais que s'embrolhe pas tròpamb lo fial.

Lo nom ven de l’Ariana de la mitologia grèga, que lo fial salvèt Tesèu dins lo Labirint.