Felician Dàvid
Felician Dàvid (nascut a Cadenet lo 13 d'abriu de 1810 e mòrt à Saint-Germain-en-Laye lo 29 d'aost de 1876) foguèt un compositor occitan de Provença, d'estil romantic.
Comencèt de pichon seis estudis musicaus amb son paire mai la mòrt d'aqueste darrier lo laissèt orfanèu e sensa ges de ressorsa en defòra dei mejans limitats de sa sòrre. Gràcias a sa votz, poguèt entrar dins lo còr de la Catedrala Sant Sauvaire d'Ais de Provença, çò que li permetèt de ganhar sa vida e de recebre una bòna educacion musicala, tecnica e teorica.
Quora faguèt sei 15 ans, laissèt lo còr e, amb l'ajuda de seis ancians professors, poguèt perseguir una carriera d'estudis classics. Abandonèt au cap de 3 ans per contunhar dins lo domeni musicau.
Deguèt trabalhar coma clergue un moment per se ganhar la vida abans de trobar un pòst dins l'orquèstra dau teatre d'Ais, puei trabalhèt coma mèstre de capèla a la Glèisa Sant Sauvaire de la meteissa vila, mai decidiguèt d'anar estudiar la musica a París, amb l'ajuda materiala d'un oncle pus fortunat.
Après un marrit acuelh, lo mèstre italian Luigi Cherubini lo faguèt entrar dins la classa d'armonia dau Conservatòri de París. Son oncle, cambièt d'idèa e decidiguèt de cessar de l'ajudar, mai Dàvid perseverèt e donèt de cors de musica.
S'aprochèt deis idèas saint-simonianas.
Faguèt un viatge en Egipte qu'infuencièt de composicions en li donant un estil orientau.
L'enterrèron a París, au Cementèri dau Paire Lachaise.
Lenga d'òc
[modificar | modificar lo còdi]
- Felican Dàvid adaptèt musicalament, per la vòtz e lo piano, de particions dau poèta bearnés Ciprian Desporrins que foguèron editadas en cò de Vignancour.
