Fasilides

Un article de Wikipèdia, l'enciclopèdia liura.
Fotografia dau Palais de Fasilides.

Fasilides (1603 - 18 d'octòbre de 1667) foguèt lo negus de l'Empèri d'Etiopia de 1632 a 1667. Succediguèt a son paire Susneyos (1607-1632), que foguèt obligat d'abdicar a son profiech en causa de sa politica religiosa, e foguèt remplaçat per son fiu Yohannes Ièr (1667-1682).

Maugrat sa durada lònga, lo periòde de Fasilides es relativament mau conegut car laissèt ges de cronica de son rèine. Sa capitada principala foguèt d'amaisar lei tensions religiosas entraïnadas per son paire qu'aviá assaiat d'impausar lo catolicisme en plaça dau cristianisme ortodòx. Per aquò, exilèt lei jesuistas a Fremona avans d'ordonar son expulsion e la destruccion deis obratges catolics dau país. En parallèl, installèt sa capitala a Gondar que venguèt un centre comerciau major d'Africa de l'Èst. Pasmens, lo desvolopament de la capitala permetèt pas de defugir lo declin dau poder imperiau menaçat per lei revendicacions de l'aristocracia tradicionala e de l'aristocracia novèla formada au sen dau pòble oromò. D'un biais generau, lei transferiments financiers entre lei vassaus cargats de collectar l'impòst e l'emperaire demeniguèron entraïnant la baissa dei revenguts de l'Estat. Enfin, regardant lei relacions ambé leis estats vesins, se preocupèt d'aparar Etiopia còntra leis ambicions de l'Empèri Otoman en s'aliant ambé lei principats musulmans d'Africa de l'Èst.

Liames intèrnes[modificar | Modificar lo còdi]

Bibliografia[modificar | Modificar lo còdi]

Nòtas e referéncias[modificar | Modificar lo còdi]