Fascagat

Fascagat, o « Les Fascagat » (sic, Fascagar amb una ortografia corrècta), es un grop parodic d'Albigés que venguèt popular al començament de las annadas 2000 gràcias a la capitada de la cançon en francés Le cochon dans le maïs.

Biografia

Fascagat es un trio format en 2000 a-s'Albi per Jean-Michel Nespoulous (aliàs « Néné »), Jean-Philippe Partouche (aliàs « la Mouche ») et Thierry Cathala (aliàs « Titi »). A la debuta, l'idea t'èra de parodiar los « Boys band » populars en França a la fin de las annadas 1990, lo fait d'èstre un trio te fasiá clarament referéncia a 2Be3 (d'alhor, lo nom primièr de Fascagat t'èra « To Be Truie »^[1], per analogia ambe 2Be3 « To Be Three »). Quitament se cantan en francés, los de Fascagat emplegan d'un biais anecdotic un pauc d'occitan dins qualquas cançons (Occitania).

Aital, es al mes de juilhet de 2001 que lor cançon parodica Le cochon dans le maïs venguèt un succès en França (classada 20ena au Top 50 lo 16 de juilhet de 2001^[2]. En seguida, aguèron encara qualquas pichonas capitadas ambe Saint-Tropette (2002), Le pimpom des pompiers (2005), Merci patron (represa de los Charlots), Viens boire un p'tit coup à la maison (represa de Licence IV), La zumba des Fasca (2013), pasmens ambe una baissa de popularitat au fil de las annadas.

Le cochon dans le maïs

Le cochon dans le maïs (lo tesson dins la pèça de milh) es a la basa una expression emplegada per Pierre Salviac coma comentari rugbistic sus France 2 per de dire qu'una equipa es despassada de pertot. Lo tèxte d'aquesta cançon evòca lo contèxte politic local de pujada al debut de las annadas 2000 de l'altermondialisme (Larzac 2003, eiretièrs de la contestacion Volèm Viure al Païs del Larzac), vist que te parla de la « marrida mangisca » supausada eissida de las culturas transgenicas, en mai d'aquò en citant lo José Bové que demontèt, segon aquesta logica de denonciacion de « marrida mangisca », lo McDonald's de Milhau lo 12 d'agost de 1999^[3] (« José Bové a dit que c'était allergique », lo José Bové diguèt qu'aquò es allergic).

Discografia

2001: No problem
2005: Les métiers
2013: Ça va zumber

Referéncias

[1] ttps://www.ladepeche.fr/article/2000/08/27/106961-les-fascagat-en-scene-avec-titi.html

[2] ttp://www.chartsinfrance.net/Les-Fascagat/Le-cochon-dans-le-mais-sc4044.html

[3] ttps://www.lefigaro.fr/conjoncture/roquefort-d-abord-mcdo-go-home-il-y-a-20-ans-le-demontage-du-mcdonald-s-de-millau-20190811

[1]

[2]

[3]