Eusébio

Eusébio sus un sagèl d'Ajman en 1968

Eusébio da Silva Ferreira, mai conegut coma Eusébio (Lourenço Marques, Moçambic, 25 de genièr de 1942 – Lisbona, 5 de genièr de 2014) foguèt un fotbolaire portugués. Aqueste atacaire, considerat coma un dels melhors jogaires del mond, ocupava la 9ena posicion dins la classificacion establida per l'IFFHS dels melhors fotbolaires del sègle XX. Ganhèt lo Balon d'aur en 1965 e la Sabata d'aur dos còps, en 1968 e en 1973). Moriguèt lo 5 de genièr de 2014 aprèp una crisi cardiaca que patissiá ja de problèmas de santat grèus dempuèi junh de 2012.