Estrech de Magellan

Un article de Wikipèdia, l'enciclopèdia liura.
Anar a : navigacion, Recercar
Estrech de Magellan, en Tèrra del Fuòc

L'estrech de Magellan es una rota maritima situada al sud de Chile e al nòrd de l'Illa Granda de la Tèrra del Fuòc. La via navegabla es lo pus important passatge natural entre los oceans Pacific e Atlantic, mas es considerada coma una rota malaisida per navegar a causa del clima inespitalièr e de l'estrechor del passatge.

Imatge satellit de l'estrech de Magellan

Fernão de Magalhães, navegador portugués al servici de la corona d'Espanha, foguèt lo primièr europèu d'i navegar en 1520, pendent son viatge a l'entorn del monde. Pr'amor que la nau de Magalhães dintrèt dins l'estrech lo 1èr de novembre, jorn de Totsants, foguèt d'en primièr nomenat Estrecho de Todos los Santos. Mai tard los espanhòls cambièron lo nom per Estrecho de Magallanes .