Estela Barnes de Carlotto
Estela Barnes de Carlotto (nascuda lo 22 d'octòbre de 1930, Buenos Aires) es una militanta Argentina dei Drechs de l'Òme e la presidenta de l'associacion Grands de la plaça de Mai que son objectiu es de retrobar l'identitat vertadieras deis enfants raubats durant la dictatura argentina.
Nascuda dins una familha d'origina anglesa, venguèt institutritz puei directritz d'escòla e aguèt quatre enfants. Dins lo corrent deis annadas 1970, sa filha Laura jonhèt lo movement dei Montoneros en lucha còntra la dictatura militara. Arrestada lo 26 de novembre de 1977, foguèt laissada en vida car èra gròssa fins a la naissença d'un fiu. Executada dos mes après l'acochament, son enfant foguèt raubat e donat a l'adopcion sota una identitat faussa. Estela Barnes de Carlotto jonhèt alora l'associacion dei Grands de la plaça de Mai en abriu de 1978 e ne'n venguèt presidenta en 1989. Retrobèt finalament son felen lo 5 d'aost de 2014.
Estela Barnes de Carlotto recebèt lo Prèmi dei Drechs de l'Òme dei Nacions Unidas en 2003.