Estat de Franca Comtat
|
Estat de Franca Comtat
État de Franche Comté | |||||
|---|---|---|---|---|---|
| |||||
| Devisa nacionala : (cap) | |||||
| Imne nacional : {{{imne}}} | |||||
| |||||
| Lengas oficialas | francés | ||||
| Capitala | Vesol | ||||
| Moneda actuala | Èuro, franc soís | ||||
L'Estat de Franca Comtat es un Estat tampon qu'existiguèt del 27 de genièr al 6 de junh de 1814. Creat pels aliats a la casuda de l'Empèri francés, l'Estat èra dirigit pel governador general Conrad Karl Friedrich von Andlau-Birseck escaissat « baron d'Andlaw ».
Aquel pichon Estat se compausava dels departaments de Nauta Sòna, Dobs, Jura, Vòges, e del sud de Ren Naut ancianament qu'abans 1800 correspondiá al departament del Mont-Terrible(principats de Mompelgard e de Porrentrui).
Istòria[modificar | Modificar lo còdi]
Après la batalha de Leipzig, las tropas aliadas (Empèri rus, empèri d'Àustria, reialme de Prússia, Reialme Unit) dintran en França a la fin de decembre de 1813. Los primièrs soldats ongrés son a Vesol lo 3 de genièr de 1814. Lo 25 de genièr, a Langres, los emperaires de Russia e d'Àustria e lo rei de Prussia decidisson de crear l'Estat de Franca Comtat.
L'estat compausat de l'anciana província de Franca Comtat (departaments de Nauta Sòna, de Dobs e de Jura), del departament de Vòges, e del principat de Porrentrui pres al Ren Naut es es instituit lo 27 de genièr de 1814. Sa capitala èra Vesol.
Lo sobeiran de l'Estat èra lo baron d'Andlaw, jutge al conselh aulique de Friborg-en-Brisgau, nomenat pels aliats.
Per una ordenança del 4 de febrièr de 1814, lo principat de Mompelgard es restacat a l'Estat de Franca Comtat.
Lo 6 de junh de 1814, l'Estat es dissolgut e totas sas parts levat Porrentrui tornan a França. Porrentrui passarà a Soïssa en 1815.