Guèrras de l'òpi
Lei guèrras de l'òpi son un ensems de dos conflictes (1839-1842 e 1856-1860) entre l'Empèri Qing e lo Reiaume Unit, sostengut per França e d'autrei poissanças occidentalas dins lo corrent de la segonda guèrra. Foguèron entraïnadas per la volontat britanica de durbir per fòrça l'Empèri Chinés au comèrci internacionau dominat per leis Europèus. S'acabèron per de desfachas chinesas e Pequin deguèt per la seguida acceptar de signar una tièra de tractats inegaus que donèron d'avantatges comerciaus, politics e territòriaus importants ai marchands europèus sus son territòri.