Navegador web

Firefox 2 mostrant Wikipèdia.

Un navigador web , es una aplicacion que permet a l'utilizaire de recuperar e reproduire de documents d'ipertèxte, generalament escrits en HTML, dempuèi un servidor web situat dins quin luòc del mond que siá. Aqueste malhum es conegut coma Telaranha mondiala o World Wide Web (WWW). Los navigadors actuals permeton de mostrar de grafics, sequéncias de vidèo, sons, animacions e programas divèrs a mai de tèxtes e ligams.

La foncion basica d'un navigador web es de mostrar de documents de tèxt, segurament amb ressorsas multimèdia incrustadas. Los documents pòdon èsser situats dins l'ordenador de l'utilizaire, mas tanben podon èsser dins quin que siá autre dispositiu que i siá connectat (a travèrs d'internet, per exemple) e que tenga las ressorsas necessarias per o transmetre (un logicial de servidor web). Aquestes documents, abitualament nomenats paginas web, an de ligams amb d'autres documents, porcion de tèxt o imatge.

Principals navigadors web

Mercat en març de 2008
Internet Explorer - 74.80%
Mozilla Firefox - 17.83%
Safari - 5.82%
Opera - 0.69%
Netscape - 0.55%
Mozilla - 0.09%
Autres - 0.20%