Erupcion surtseyana

Un article de Wikipèdia, l'enciclopèdia liura.
Salta a la navegació Salta a la cerca
Esquèma generau d'una erupcion surtseyana : (1) Plumacho de vapor d'aiga ; (2) Plumacho format d'aiga e de materiaus volcanicas refrejats ; (3) Cratèr ; (4) Aiga ; (5) Penda generalament fòrça sobda (edifici sosmarin) ; (6) Sòcle geologic ; (7) Chaminèia volcanica ; (8) Sèrva magmatica ; (9) Dic.

Leis erupcions surtseyanas son un tipe d'erupcion volcanica. Son caracterizadas per la preséncia de quantitats d'aiga gròssas (mar, lòna, lac subglacièr...). L'endrech de l'erupcion es sosmarin mai pròche de la superficia, generalament a mens de cent mètres. Lo contact entre lo magma e l'aiga entraïna d'explosions e de projeccions d'una mesclada formada de lava refrejada, d'aiga liquida e de vapor. Dins lo corrent de l'erupcion, lo volcan pòu agantar la superficia e formar una illa. A partir d'aquel instant, lo contact entre l'aiga e lo magma pòu s'acabar e l'erupcion adoptar una forma classica efusiva o explosiva.

Lei riscs per lei societats umanas varian segon l'endrech de l'erupcion. Pasmens, en general, sei consequéncias segondàrias (tsunami, inondacion...) representan sovent lei perilhs pus importants. L'Indici d'Explosivitat Volcanica d'aqueu tipe d'erupcion va de 2 a 5 segon la natura dau magma.