Erupcion subglaciala

Un article de Wikipèdia, l'enciclopèdia liura.
Salta a la navegació Salta a la cerca
Esquèma generau d'una erupcion subglaciala : (1) Plumacho de vapor d'aiga ; (2) Lac en formacion en dessota dau glacièr ; (3) Glaç ; (4) Penda generalament sobda (edifici de tipe sosmarin) ; (5) Sòcle geologic ; (6) Lava refrejada generalament sota la forma de basalts sosmarins ; (7) Chaminèia volcanica ; (8) Sèrva magmatica ; (9) Dic.

Leis erupcions subglacialas son un tipe d'erupcion volcanica. Son caracterizats per una emission de lava en dessota d'una massa gròssa de glaç (glacièr, inlandsis...). La calor transforma lo glaç en aiga liquid o en vapor. Quand de quantitats d'aiga importantas son accumuladas, l'erupcion pòu evolucionar vèrs lo tipe surtseyan o causar una inondacion rapid e brutala o un tsunami. En causa de la preséncia d'aiga, un plumacho format de vapor e de còps d'aiga liquida o de materiaus volcanics refrejats pòu se formar. Aqueu tipe d'erupcion es frequent dins lei regions polaras coma Islàndia o lo sud de Chile. L'erupcion d'Eyjafjallajokull de 2010 es un exemple d'aqueu tipe d'erupcion.

Lei riscs per lei populacions varian segon l'endrech de l'erupcion pòdon venir importants se de centres urbans son situats a proximitat dau volcan o dins una region menaçada per leis inondacions o per lei tsunamis. L'Indici d'Explosivitat Volcanica varia segon lo magma implicat.