Ernest Esclangon

Ernest Esclangon
Naissença	17 de març de 1876 Mison
Mòrt	28 de genièr de 1954 Eyrenville

Ernest Esclangon foguèt un astronòm e matematician, nascut lo 17 de març de 1876 a Mison (Bassa Aups) e mòrt lo 28 de genièr de 1954 a Eyrenville (Dordonha). Foguèt director de l'Observatòri astronomic d'Estrasborg, puèi de l'Observatòri de París, e un dels fondadors de l'Observatòri d'Auta Provença.

Matematician, desvolopèt las equacions de las foncions quasi periodicas encotradass en mecanica celèsta. Pendant la Primièra Guèrra mondiala, assegurèt la precision del reperatge de las peças d'artilhariá, en demonstrant la dobla natura del son percebut. Astronòm, s'es estacat a l'establiment de la mapa del Cèl ; melhorèt la precision de las mesuras dins los domenis de l’astronomia : mesura del temps, variacion de las longituds, variacion de la pesantor ; en tot desvolopar las performàncias tecnicas de las lunetas e telescòpis.