Equipa d'Etiopia de fotbòl

Un article de Wikipèdia, l'enciclopèdia liura.
Salta a la navegació Salta a la cerca

L'equipa d'Etiopia de fotbòl, que li dién lei Walya (dau nom de l'Walya ibex, lo boquetin d'Abissinia), si constituisse dei melhors jogaires etiopians sota la supervision de la Federacion d'Etiopia de Fotbòl e representa lo país dins lei competicions regionalas, continentalas e internacionalas despuei sa creacion en 1947. Leis Antilopes Walya, coma li dién au país, jògan lei partidas a domicile a l'Addis Abeba Stadium que s'atròba dins la capitala etiopiana, Addis Abeba. La seleccion nacionala si qualifiquèt per la fasa finala de la Copa d'Africa dei Nacions de fotbòl de 2013 après trenta un ans d'abséncia.

Es una dei tres equipas (ambé Sodan e Egipte) que participèron a l'edicion inaugurala de la Copa d'Africa dei Nacions en 1957. Etiopia ganhèt l'edicion de 1962 que si debanèt a domicile mai aguèt plus de resultats probants dins la competicion despuei la fin deis annadas 1960.