Elden Ring

Elden Ring es un videojòc de ròtle e d’accion desvolopat per FromSoftware e editat per Bandai Namco Entertainment, sortit de la collaboracion entre lo creator de videojòcs Hidetaka Miyazaki e l’escrivan George R. R. Martin. Lo jòc sortiguèt lo 25 de febrièr 2022 per PlayStation 4, PlayStation 5, Xbox One, Xbox Series e Windows.

Lo jòc recebèt un excellent acuèlh critic e comercial : ganhèt mantunas recompensas de videojòc de l’annada, inclusa aquela de la ceremònia dels Game Awards 2022, e se vendèt a mai de 20 milions d’exemplars pendent sa primièra annada.

Una extension titolat Shadow of the Erdtree es anonciada en febrièr 2023 e es sortida lo 21 de junh de 2024.

Trama

Elden Ring se debana dins lo reiaume de Lands Between (literalament : "L'Entre Tèrra" en occitan), qualque temps aprèp la destruccion de l'Elden Ring (Lo Cercle d'Elden) e la dispersion de sos fragments, las runas majoras. Un còp èra onorat per la preséncia del Cercle e de l'Erdtree (L'Arbre Mond), lo reiaume es ara governat pels descendents mièg dieus de la reina Marika l'Eternala. Cadun d'els ten un tròç de l'Elden Ring que los corromp e los empoisona amb lor poder. Lo jogaire encarna un Tarnished ("Sens Esclat"), un exiliat del Reiaume qu'a perdut la gràcia de l'Elden Ring, rampelat aprèp l'Esclatament, que deu traversar lo reiaume per trobar totas las runas majoras, restaurar l'Elden Ring e venir Elden Lord ("Senhor d'Elden").

Sistèma de jòc

Elden Ring es un videojòc de ròtle e d'accion en mond obèrt a la tresena persona que se debana dins un univèrs de dark fantasy. Es descriut per son creator coma una evolucion de Dark Souls, a la différencia d'aqueste, Elden Ring se debana dins un mond obèrt que pòt èsser percorrit a caval. De fach, se la debuta del jòc es lineara, los jogaires pòdon, quand progrèssan, explorar liurament lo mond compausat de sièis zònas principalas, e mai de castèls, de fortalesas e de catacombas escampilhats sus la mapa del mond obèrt. Aquestas zònas principals son interconnectadas per un santuari central, The Round Table Hold en anglés ("Lo Santuari de la Taula Redonda" en occitan) al qual los jogaires pòdon accedir mai tard dins la progression del jòc (de manièra similar al Fire Link Shrine de Dark Souls). Tanben un sistèma de viatge rapid es disponible. Tot lo long del jòc, los jogaires encontraràn de PNJ e d'enemics, dont los mièg dieus que govèrnan cada zòna principala e que constituïsson los principals boss del jòc.

Lo combat dins Elden Ring s'apuèja fòrça sus los elements de videojòc de ròtle presents dins los precedents jòcs de la seria dels Souls : los combats al còs a còs se fan amb l'utilizacion de competéncias, de capacitats magicas, e de mecanismes de blocatge e d'esquiva. Elden Ring introdutz tanben un sistèma de discrecion e lo combat a caval ; aquelas nòvas foncionalitats encoratjan los jogaires a elaborar d'estrategias de combat per cada enemic que rescontran. Lo jòc conserva encara una barra d'endurància pel personatge, malgrat que son influéncia generala sus los combats siá estada redusida. Enfin, contràriament a Sekiro: Shadows Die Twice, i a pas de mecanisme de resurreccion aprèp la mòrt.

Segon lo realizator Hidetaka Miyazaki, Elden Ring prepausa mai de possibilitats de personalizacion, dins la mesura que los jogaires pòdon descobrir diferentas competéncias mercés a lor exploracion de la mapa. Aquestas competéncias s'ajustan a una granda varietat d'armas que, en mai de l'equipament, de las capacitats magicas e dels objèctes que los jogaires pòdon fabricar amb l'ajuda de materials trobats dins lo mond, pòdon èsser utilizadas per personalizar los personatges del jogaire.

Elden Ring prepausa tanben de mecanismes d'invocacion : los jogaires pòdon, de fach, invocar una granda varietat d'esperits de recòlta amagats sus la mapa, inclusent d'enemics vencits anteriorament, coma aliats per los ajudar en combat. De manièra similara als Dark Souls, lo jòc ten una foncionalitat multijogaire amb los mecanismes d'invocacion que permeton a d'autres jogaires d'èsser invocats per un jòc cooperatiu.

Desvolopament

Lo desvolopament d'Elden Ring debuta en 2017 aprèp la publicacion del segond DLC de Dark Souls III, titolat The Ringed City. Lo desvolopament es dirigit per Hidetaka Miyazaki, conegut per la seria dels Souls. L'univèrs del jòc es concebut per l'escrivan George R. R. Martin, conegut per sa seria de fantasiá A Song of Ice and Fire (Le Trône de Fer en francés). La compositritz Yuka Kitamura participa a la banda sonòra originala del jòc.

Lo jòc es anonciat a l'ocasion de l'E3 2019. Als Game Awards 2020, es elegit "jòc lo mai esperat". En junh de 2021, a l'ocasion del Summer Game Fest, un nòu trailer es publicat e la data de sortida es anonciada per lo 21 genièr de 2022. Lo 18 octobre de 2021, FromSoftware anoncia amb lo compte Twitter oficial del jòc qu'es remandat al 25 febrièr de 2022.

Recepcion

Acuèlh critic

Elden Ring recebèt un acuèlh extrèmament favorable de la premsa, amb la nòta de 95/100 per la version Microsoft Windows e la nòta de 96/100 per las versions PlayStation 5 e Xbox Series sul sit web Metacritic. Aital ven lo jòc de FromSoftware lo melhor notat sus Metacritic.

Vendas

Lo 16 de març de 2022, FromSoftware e Bandai Namco anoncia que lo jòc es estat distribuit a 12 milions d'exemplars dins lo mond, dont 1 milion al Japon. En França, se comptabilizan mai de 147 000 vendas.

A la fin de junh de 2022, 16,6 milions d'exemplars s'èran venduts dins lo mond. Lo 30 de setembre de 2022, 17,5 milions d'exemplars s'èran venduts. Lo 20 de febrièr de 2023, 20 milions d'exemplars s'èran venduts dins lo mond. En junh de 2024, lo jòc passa los 25 milions d'exemplars venduts.

L'extension Shadow of the Erdtree, sortida lo 21 de junh de 2024, se vend quant a ela a 5 milions d'exemplars en tres jorns.

Recompensas e nominacions

Elden Ring recep las recompensas de videojòc de l'annada als Golden Joystick Awards 2022, als Game Awards 2022, als Steam Awards 2022, als DICE Awards 2023 o encara als Game Developers Choice Awards 2023. En França, ganha lo Pégase del melhor jòc estrangièr.

Lo trabalh de Hidetaka Miyazaki e George R. R. Martin sus Elden Ring es estat recompensat pel prèmi Nebula del melhor scenari per un jòc 2022.

Annada	Ceremònia	Categoria	Recebèt	Réf.
2020	The Game Awards 2020	Jòc lo mai esperat	Modèl:Lauréat
2021	Golden Joystick Awards 2021	Jò lo mai esperat	Modèl:Lauréat
	The Game Awards 2021	Jòc lo mai esperat	Modèl:Lauréat
2022	Golden Joystick Awards 2022	Jòc de l'annada dels Golden Joystick Awards (en)	Modèl:Lauréat
		Melhor concepcion visuala	Modèl:Lauréat
		Melhor jòc multijogaire	Modèl:Lauréat
	The Game Awards 2022	Jòc de l'annada	Modèl:Lauréat
		Melhor realizacion	Modèl:Lauréat
		Melhor direccion artistica	Modèl:Lauréat
		Melhor jòc de ròtle	Modèl:Lauréat
		Melhor narracion	Modèl:Nom
		Melhor musica	Modèl:Nom
		Melhor design audio	Modèl:Nom
2023	DICE Awards 2023	Jeu de l'année des DICE Awards (en)	Modèl:Lauréat
		Realizacion excepcionala	Modèl:Lauréat
		Game design excepcional	Modèl:Lauréat
		Jòc de ròtle de l'annada	Modèl:Lauréat
		Tecnica excepcionala	Modèl:Lauréat
	Pégase 2023	Melhor jòc estrangièr	Modèl:Lauréat
	Game Developers Choice Awards 2023	Jeu de l'année des Game Developers Choice Awards (en)	Modèl:Lauréat
		Melhor design	Modèl:Lauréat
		Melhor art visual	Modèl:Lauréat

Ligams extèrnes

Modèl:Portal Jeu vidéoModèl:Portal Fantasy