Efièch Streisand

Un article de Wikipèdia, l'enciclopèdia liura.
Anar a : navigacion, Recercar
La fotografia de la residéncia de Barbra Streisand a l'origina del fenomèn

L'efièch Streisand, que tira son nom de l'actritz americana Barbra Streisand, es un fenomèn social de divulgacion populara, rapida e sovent exponenciala, que se realiza generalament per Internet o dins las rets socialas telefonicas, qu'es una responsa a la volontat d'amagar o censurar una informacion. Lo nom es degut a l'entrepreneire e informatician american Mike Masnick que l'utilizèt aprèp que Barbra Streisand portèsse al tribunal en 2003 lo fotograf Kenneth Adelman e lo sit Pictopia.com en los acusar de violacion de son intimitat qu'avián publicat una fòto aeriana de sa residéncia sus la còsta de Califòrnia.

Anteriorament a la demanda de Streisand la fotografia, qu'èra part d'un projècte ecologic destinat a mesurar l'erosion del litoral californian, èra estada descargada pas que 6 vegadas, e dos dels descargaments se devián als avocats de la cantaira. Tre que l'acusacion venguèt publica per contra los descargaments se multipliquèron rapidament e aital al cap d'un mes mai de 420.000 personas avián visitat lo sit.