Dur-Sharrukin

Dur-Sharrukin es una anciana capitala de l'Empèri Assirian situada dins lo nòrd de l'Iraq actuau a 15 km de Mossul. Sa construccion acomencèt a l'iniciativa dau rèi Sargon II (721-705 av. JC). Foguèt inaugurada en 707 av. JC e laissada inacabada dos ans pus tard après la mòrt de Sargon II considerat coma maudit. Niniva venguèt alora la capitala novèla.

La construccion de la vila aguèt luòc dins un endrech quasi inocupat e mobilizèt de ressorsas considerablas durant un desenau d'annadas. Aviá un plan quadrangular e èra protegida per un barri fòrça espés. Son còr èra un ensems monumentau centrat sus un vast palais reiau, un complèx administratiu e plusors temples. La ciutat teniá pereu un palais fortificat utilizat coma arsenau.

Après son abandon, lo site foguèt jamai ocupat per una vila importanta e es donc ben conservat. Dur-Sharrukin foguèt ansin la premiera vila mesopotamiana que foguèt l'objècte de cavaments importants que comencèron dins lo corrent deis annadas 1840 e 1850. D'esculturas nombrosas i foguèron descubèrtas.

• 
  Gravadura representant un grau amb una tèsta umana.
• 
  Gravadura representant Sargon II sus un bas-relèu.
• 
  Tauleta depintant la 8^a campanha militara de Sargon II.
• 
  Plan quadrangular de la vila establit per leis arqueològs francés a l'origina dei cavaments dau sègle XIX.
• 
  Plan dau palais establit per leis arqueològs francés dau sègle XIX.

Liames intèrnes

• Empèri Assirian.
• Sargon II.

Bibliografia

• (fr) Laura Battini e Pierre Villard, « Dûr-Šarrukîn », dans F. Joannès (dir.), Dictionnaire de la civilisation mésopotamienne (2001), pp. 248-251.