Dunois

Un article de Wikipèdia, l'enciclopèdia liura.

Dunois es un parçan francés de l'oest de Beauce que s'estend de Châteaudun (sosprefectura dau departement d'Eure et Loir) juscant'au nòrd dau departament de Loir e Char, au vesinatge de Vendômois.

'Quela region correspond a un ancian Pagus Dunensis[1] e dependiá avans 1789 dau grand govèrn d'Orleanés. Era alara situada a l'oest de l'Orleanés pròpri e au sud-oest de Beauce.

Las vilas principalas son Châteaudun (capitala), Fréteval, Cloyes-sur-le-Loir, Bonneval, Patay, Marchenoir.

Sos abitants son los dunoisons, terme pauc usitat au contrari de dunois, fòrça espandit.

Vescomtat ereditari au segle X, Dunois fuguet vendut au comte de Bles en 1382, e tornar vendut emb lo comtat de Bles en 1391 a Loís d'Orleans. Son filh Charles lo donet en 1439 a son mieg fraire Joan, lo bastard d'Orleans, que fuguet d'aquí endavant conegut coma Joan de Dunois. Dunois fuguet incorporat a la Corona en 1707.

Nòtas[modificar | Modificar lo còdi]

  1. Lo mot celta DUN significa fortalesa; es atestat en toponimia occitana: lo País Dunés, Dun, La Cela de Dun, Bussiera de Dun...