Discutir:Olivièr de Tèrme

Infotaula de suprimir ?

L'infotaula contèn una quantitat considerabla d'errors :

• naissança en 1200 : aquò es pas totalament segur (l'article precisa « vèrs 1200 »).
• « Sénéchal du royaume de Jérusalem » es un tèrme francés, pas occitan.
• « nacionalitat : francesa » : siáu pas segur qu'aquela afiermacion ague un sens per l'Edat Mejana.
• « profession : militar » : idem. Durant l'Edat Mejana, se parla de miles per designar un chivalier combatent.
• « reng : cavalièr » : idem. Cavalariá èra mai un estatut qu'un reng. Eventualament, « senescau » ò « mèstre deis aubarestiers » podrián èsser considerats coma de rengs, mai ai un dobte.
• « conquesta de Mallorca », « Vuitena Croada » semblan d'èsser de catalan.

Preferissi donc suprimir l'infotaula car i tròp d'errors per pas enganar lei legeires. Coralament, --Nicolas Eynaud (d) 24 decembre de 2024 a 16.06 (UTC)

Adieu, non es lo problèma de l'infotaula. Sabètz que las "errors" se podon modificar sus Wikidata? Es lo principi d'aquela infotaula doncas es regretós de non ameliorar la ficha Wikidata de l'article. Coralament, Geronet (d) 24 decembre de 2024 a 16.45 (UTC)

Adieu Geronet, aquò es una vision curiosa : segon vos, leis autreis utilizaires serián a la disposicion d'autrú per corregir seis errors, en particular quand 50 % deis informacions introduchas son faussas ? Pensi puslèu qu'es la responsabilitat dei redactors de pas escriure (tròp) d'errors... e dins lo cas de lei corregir. Coralament, --Nicolas Eynaud (d) 27 decembre de 2024 a 13.58 (UTC)

Lo modèl pren sas informacions de Wikidata, coma dins lo wiki catalan, mas rèsta totjorn en desvolopament. Se una ponch de donadas dispausa pas d'una traduccion occitana sus Wikidata, es extrach de la lenga mai pròcha (generalament catalan, puèi francés, etc.). Briantin de Montrei (d) 27 decembre de 2024 a 20.48 (UTC)