Discutir:Nissa d'Ausseruna

Un article de Wikipèdia, l'enciclopèdia liura.
Salta a la navegació Salta a la cerca
Autras discussions [+]
  • Supression -
  • Neutralitat -
  • Drech d'autor -
  • Article de qualitat -
  • Bon article -
  • Lutz sus -
  • De far -
  • Archius -
  • Traduccion

Adieu a totes, Me geina de venir far lo reborsièr tornarmai mas voldriái saber se qualqu'un, en defòra de çò que ditz lo document del CLO, a d'atestacions de la forma Ausseruna? Personalament ai de dobtes enòrmes aquí dessús, la sola atestacion que n'ai es sortida d'Ernèst Negre que parla d'una prononciacion [awse'roenos]: [1]. Pensi que Negre deu èsser generalament fisable, pr'aquò tròbi pas que Enseruno o Anseruno /-a dins lo demai dempuèi Emili Barta la Nissanenco p. 41 (es del país, deuriá saber cossí se ditz...): "en-là darré lou pèch d'Enseruno, lou sourelh venió de cambiroula,"; puèi: [2], mas o ai pas trobat dins Mistral per ara; tornarmai aicí: [3]; dins lo Bulletin de la Société archéologique de Béziers de 1935 (aparentament lo títol d'una obreta): [4]; Anseruna es la forma utilizada per Lafont: [5] e benlèu dins la Toponymie du Languedoc et de la Gascogne. Ai vist endacòm tanben un títol Enseruno del Dr Pelissièr (país de Narbona) me sembla... Bona nuèch, Claudi/Capsot (d) 10 febrièr de 2011 a 21.13 (UTC). PS: Apondi un daquòs sortit de l'introduccion d'Alibèrt: "Las excavacions de Montlaurés còsta Narbona e aquelas d' Enseruna prèp de Besièrs ne son d'irrecusables testimònis."