Discutir:Lèi de composicion intèrna

Ai assajat de faire un article sintetic sus aquela nocion, en defugissent lei generalizacions excessivas. Dins d'autrei wikipèdias, qu'an (fòrça) mai de mejans umans, lei nocions tractadas dins lo present article se tròban dins mai d'un article. La tòca aicí es de definir lo lengatge de basa, indispensable dins totei lei domenis dei matematicas, e de balhar d'exemples significatius. Vivarés 30 d'abril de 2007 a 11:45 (UTC)

Lei/lèi

La forma la lèi amb è es pas faussa, de segur, mai me sembla que seriá preferible d'utilizar la forma unitària la lei amb e. Lo CLO a preconizat (mai a pas impausat) en provençau referenciau la reparticion de e estrecha e de è larga segon lei tendéncias panoccitanas majoritàrias: Provença, ben, veire, prètz, la lei... son referenciaus, mentre que Provènça, bèn, vèire, pretz, la lèi son de variantas (pas faussas, mai pas referencialas). L'excepcion son lei diftongs ie, ue que s'escrivon en generau sens accent grèu en provençau (fuelha, mieg puslèu que fuèlha, mièg).--Aubadaurada 30 d'abril de 2007 a 13:43 (UTC)

Aviáu ja mes una pagina de redireccion que remanda "Lei de composicion intèrna" a "Lèi de composicion intèrna". Vau metre una varianta dins l'entèsta de l'article. La forma "lèi" (corrècta ela tanben) se destria (foneticament e graficament) de l'article : cf. "lei lèis" / "lei leis". Vivarés 30 d'abril de 2007 a 18:18 (UTC)