Discussion Utilizaire:86.210.221.141

Adieussiatz 86.210.221.141, Avètz contribuit mantun còp sus Wikipèdia e vòstras intervencions semblan d'èsser pertinentas. Per agir encara mai eficaçament e poder far un trabalh d'equipa, vos conselham de vos enregistrar. Beneficiaretz atal d'un escais fixe (e non pas d'una simpla adreça IP). Ça que la, atencion de causir pas d'escais insultant o desplaçat.

Cedric31 7 de junh de 2008 a 14:21 (UTC)

Adieu, es possible d' escriure un article a prepaus de tu, mas d'una melhora qualitat per una enciclopedia. Es possible d'escriure aquò "Ives Robert es un escrivan occitan de.." mas pas aquò :

Una demest las primièras experiéncias de publicacion, sonque sus la Telaranha e a res non còst, d'òbras romanèscas totas en occitan existís ambe la tièra entitolada : " Negras trevanças ", presenta sul siti : http://ivesrobert.site.voila.fr/. S'i podon d'efièch consultar las doas primièras epòcas d'aquesta seria de ficcions, a saber : " Los marrits sòmis "(258 paginas ) e " Los pantaisses sagnoses " ( 287 paginas ). En esperar lèu la tresena epòca que serà entitolada : " Las cachavièlhas infernosas ", e que lo legeire, en tot ne descobrir los capítols 1 e 2, i poirà trobar l'explic subte d'una enigma. Es aital que s'entrobarà pus per el cap de mistèri per quant a la font que venguèt alimentar lo cors d'aquestes allucinants remembres d'avenir que poblan las doas primièras epòcas e que seguiràn d'alhors d'estatjar los capítols 3 a 1O de la dicha tresena epòca. Aquesta mena de pichona epopèa epica e guerrièra, escricha per màger part en occitan lengadocian, possedís pasmens mantunes passatges qu'i son emplegats d'autres parlars d'òc.Es ansin, tot especialament, que dins la primièra epòca e tanben dins la tresana, adonc de venir, dos capítols son redigits gaireben d'entièr en gascon o en provençal, e aquò de biais al pus simbolic, per signe d'amistosa fraternitat cap als locutors dels dos autres grands dialèctes occitans. Amb aquesta difusion d'obratges res que sus la Tela e a gratis, s'opera atal un biais d'espandiment pro novèl que vòl decisivament trencar ambe las usanças de l'edicion tradicionala, estampada e paganta, en cèrca qu'es de modernitat dins l'encastre de l'expression escricha occitana d'uèi.

Mercé Mertyl 7 de junh de 2008 a 17:05 (UTC)