Discussion Utilizaire:86.197.123.244

Adieussiatz 86.197.123.244, Avètz contribuit mantun còp sus Wikipèdia e vòstras intervencions semblan d'èsser pertinentas. Per agir encara mai eficaçament e poder far un trabalh d'equipa, vos conselham de vos enregistrar. Beneficiaretz atal d'un escais fixe (e non pas d'una simpla adreça IP). Ça que la, atencion de causir pas d'escais insultant o desplaçat.

Cedric31 17 d'oct de 2008 a 12:51 (UTC)

Adiu!

Bonjorn e benvengut sus la Wikipèdia en lenga d'òc! Vèsi los cambiaments que fas sus l'article a prepaus de Josèp Romanilha. Sens cap de jutjament de valor, te vòli senhalar que la grafia qu'utilizas es pas compatibla amb la grafia dicha "classica" utilizada dins aqueste projècte. Aquò rendís las redireccions, los ligams entre articles e las categorizacions impossibles... Aquí, cadun pòt utilizar lo parlar que vòl ; i a d'articles en aranés, en gascon, en provençal, en nissart... Es totalament possible de far de citacions en grafia Mistralenca, febusiana, baunadiana o autra, mas lo tronc del tèxte deu èsser en grafia classica. Las modificacions qu'as fachas seràn probablament adaptadas per d'autres contributors donat qu'aicí las contribucions son liuras e que la causida de la grafia se faguèt tre lo començament del projècte e foguèt validada per una votacion. Plan coralament! Cedric31 17 d'oct de 2008 a 13:18 (UTC)

Tas afirmacions apondudas dins l'article Occitan son plan categoricas. Te demandi de las argumentar e d'utilizar de tornaduras de frasa mai consensualas del tipe "tal lingüista afirma que..." o "d'aprèp tala o tala publicacion, se pòt demostrar que..." ; l'argumentacion pòt pas èsser basada sus ton sol vejaire. Tas publicacions pòdon pas demorar coma son. Pausan un problèma de neutralitat de punt de vista. Se las modificas pas, tas publicacions serà suprimits. Cedric31 17 d'oct de 2008 a 13:28 (UTC)