Dimitris Michalopoulos
Es un istoric grèc francophone, ancian bolseire del govèrn francés, qu'es actualament l'istorian en cap de l'Institut d'Istòria Maritima grèga.S'ocupa subretot de las migracions de pòbles preïstorics e protoïstorics.
Biografia
Nascut a Atenas (1952), estudièt a l'Escòla Italiana d'Atenas (1964-1970), a la Facultat de Letras de l'Universitat Nacionala d'Atenas (1970-1974) e puèi a París, a l'Escòla Pratica dels Nauts Estudis (1974-1975) e, amb una borsa del govèrn francés, a l'Escòla dels Nauts Estudis en Sciéncias Socialas. Ací obtenguèt, en novembre de 1978, son doctorat en Istòria economica e sociala. Pendent lo sieu servici militar se ocupèt del classament dels Archius de la Marina Nacionala Grèca (1979-1980); après foguèt l'archivièr del President de la Republica Grèca (1980-1982). Dempuèi lo mes d'octòbre de 1982 e fins a mai de 1988 foguèt mèstre assistent encargat dels corses a l'Universitat Aristòtel de Salonica e i ensenhèt l'Istòria dels pòbles dels Balcans. Elegit professor assistent en 1988, assumiguèt tanben la direccion del Musèu de la Ciutat d'Atenas, que n'èra conservator fins a 2000. Parallèlament, foguèt professor d'Istòria Navala a l'Escòla de Guèrra de la Marina Nacionala de Grècia (1990-1997) e a l'Acadèmia Navala de Grècia (1994-1997). Fin finala, en 2004, prenguèt lo pòste de director efectiu a l'Institut de Recercas sus Eleuthérios Vénisélos e son epòca. I demorèt fins a 2011, que foguèt alara que comencèt de recercas sus la navigacion pendent la preistòria e la protoistòria.Au còp, qu'ei professor volontari de l'Istòria deus Balcans a l'Universitat deu Pòble, a Atènas.Acceptat, en 2016, a l'Acadèmia de las arts e sciéncias de la mer10, qu'i estó admetut, en 2018, au grade d'academician.
L'Odissèa d'Omèr
Dens lo son libe "l'Odissèa d'Omèr au delà deus mites", qui estó publicat en francés per l'Institut d'istòria maritima ellèna en 2016 (ISBN: 978-618-80599-2-4) e qui s'auhereish a títol gratuit peu dit Institut, que horní las pròvas de çò qui l'Odissèa avó lòc dens l'Ocean Atlantic e dens islas d'America. Aquò d'alhors qu'èra plan coneishut per autors classics, tau com Strabon e Plutarc.Aqueste qu'explica que l'isla d'Ogygie se tròba a l'oèst deus Ïles britanics, près deu continent gran qui “embarra” l'Ocean Atlantic e qu'un viatge de cinque dias sufitz entà la ganhar. Strabon, en mei, qu'afirma que la simpla lectura deu tèxte omeric ei sufisent entà que's comprenga que las aventuras deu rei d'Itaca avón lòc non pas dens la Mediterranèa mes dens l'Ocean. E per dessús-lo-mercat, gràcias a la descripcion deu país deus Lestrygons, que vad clar qui aqueste que's trobava dens Euròpa deu nòrd .
Los Catars
Dens l'encastre de la recèrca amorsada a l'Universitat deu Pòble, qu'estudiè de faiçon sistematica l'istòria deus Catars. Lo mot "Catar" qu'ei grèc (catharós) e que significa "pur", "net". Lo brèç deu movement que's tròba dens las regions grécophones deu Pròche Orient. Lo movement Catar, pr'aquò, que s'enrasiguè sustot en Bulgaria ; e aquò entà rason politicas e sociaus. De Bulgaria los Catars que ganhèn lo sud de França e après la lor des·hèita peus Crotzats de la Glèisa catolica qu'emigrèn en Anglatèrra purmèr e en America deu nòrd puish. La recèrca efectuada dens l'Universitat deu Pòble que horneish la pròva de çò qui lo tèrme latin "Puritani" ei pas qu'ua traduccion deu mot "Catars".
Ligams extèrnes
https://www.babelio.com/auteur/Dimitris-Michalopoulos/567227
http://www.academie-arts-sciences-mer.fr/FR/portfolio/dimitris-michalopoulos/
https://alumni-ehess.fr/profile/index/index
https://pascal-francis.inist.fr/vibad/index.php?action=getRecordDetail&idt=12693531
Notícias d'autoritat
https://data.bnf.fr/16921998/di_mi__tri_s_michalopoulos/
https://www.idref.fr/075698307