Desplaçament cap al roge

Desplaçament cap al roge de las linhas espectralas dins l'espèctre visible d'un supercumul de galaxias distantas (dreta), comparat amb lo del Solelh (esquèrra). La longor d'onda aumenta cap al roge e mai enlà.

En fisica e astronomia, lo desplaçament cap al roge o transroge (en anglés, redshift) designa lo desplaçament de la lutz o autra radiacion electromagnetica cap a una longor d'onda màger, o cap a l'extrèm roge de l'espèctre, e sovent se designa amb la letra z. En aqueste contèxte, independentament de si la radiacion se tròba o non dins la part visible de l'espèctre, "mai roge" se referís a una longor d'onda majora -equivalenta a una frequéncia menora e una energia del foton menora, en concordança amb las teorias ondulatòria e qüantica de la lutz.