Defensor (fotbòl)

Un article de Wikipèdia, l'enciclopèdia liura.
Lo defensor (en blanc), tempta de blocar l'atacant.

Lei defensors (o arriers) son de jogaires de fotbòl que son pretzfach principau consistís en perturbar, o idealament empachar, lo juec d'ataca de l'adversari.

Si pòu recuperar lo balon en seguida d'un duèl ganhat per un defensor (accion individuala) o per una destabilizacion deis adversaris per una estrategia collectiva (intercepcion, provocacion d'un fòra juec, etc.). Doncas outra la soliditat e la rigor fisica, lei qualitats importantas per un bòn defensor son lo sangplan, la concentracion e l'intelligéncia de juec, especialament per lo plaçament. Pendent longtemps s'estimava que lei defensors èran de "destructors" de juec, qu'avián pas de mostrar de capacitats tecnicas particulàrias. Es plus lo cas actualament, qu'an de participar a de pretzfachs ofensius.

Abitualament la linha de defensa si constituís de quatre jogaires, mai rarament tres o cinc. La defensa de quatre "tipica" comprèn dos arriers lateraus, que cadun jòga d'un caire, e dos arriers centraus que li dién segon lo ròtle "aplantaire" o "liberò" (pòste de mai en mai rare dins lo fotbòl modèrne).