Dòlça

Un article de Wikipèdia, l'enciclopèdia liura.
Salta a la navegació Salta a la cerca
Diferentas dòlças de Fabacèas

La dòlça, (var. gòlça, teca, cotèla, coscolha) escaissada legum pels primièrs botanists , es un fruch de pericarp sèc amb dobla deïscéncia (suturala e dorsala[1]), las doas fendas isolant doas valvas que pòrtan caduna una rengada de granas.

La dòlça es caracteristica de las plantas de la familha de las Fabacèas, sovent sonadas tanben leguminosas per aquesta rason. Se destria del follicul, fruch sèc d'una fenda de deïscéncia.

Nòtas e referéncias[modificar | modificar la font]

  1. En desgrunar las dòlça per la fenda dorsala (caracterizada per una nervura mediana), las granas demòran estacadas al centre per los placentas ; per la fenda suturala (deïscéncia al nivèl de la sutura placentara), las granas demòran estacadas a l'exterior pels placentas inserits sus las doas nervuras lateralas.