Cort dels Comptes Europèa
| Cort dels Comptes Europèa | |
 | |
| Donadas | |
|---|---|
| Tipe | Organ de contraròtle financièr de l'Union Europèa |
| Creacion | 18 d'octobre de 1977 |
| Activitat | |
| President |  Vítor Manuel da Silva Caldeira |
| Lenga utilizada | Lengas oficialas de l'Union Europèa |
| Site web | https://eca.europa.eu  |
     | |
La Cort dels Comptes Europèa foguèt instituida pel Tractat de Brussèlas del 22 de julhet de 1975, e entrèt en foncion en octobre de 1977. Son sèti es a Luxemborg.
Foguèt elevada al reng d'Institucion Europèa, le 1èr de novembre de 1993, amb l'entrada en vigor del Tractat de Maastricht.
Ròtle[modificar | modificar la font]
Es una Institucion Superiora de Contraròtle (I.S.C.) que contraròtla la gestion financièra de l'Union Europèa, e de sas institucions :
- Comission Europèa
- Parlament Europèu
- Conselh de l'Union Europèa
- Cort de Justícia Europèa
- Banca Europèa d'Investiment
- sos organs annèxes
- los beneficiaris de las ajudas europèas
La Cort dels Comptes Europèa permet a l'Union Europèa de dispausar d'un organ de contraròtle extèrne independent, destriat dels responsables de la gestion financièra al sen meteis de las institucions.
La Cort dels Comptes examina la leialtat e la regularitat de las recèptas e de las despensas de l'Union Europèa, e s'assegura de la bona gestion financièra dels fons comunitaris (respècte de la règla de las 3 "E" : Economia, Eficiéncia, Eficacitat). Los rapòrts de la Cort (Rapòrt Annadièr e rapòrts especials) constituisson, certament, un biais de pression sus las institucions e autres organs administratius per qu'asseguren una bona gestion dels fons. Concretament, l'autoritat budgetària (Parlament Europèu e Conselh Europèu) se fonda en particular sus las apreciacions del Rapòrt Annadièr de la Cort per balhar (o non) a la Comission descarga de la seuna gestion.
Quand la Cort identifica de mancaments, d'irregularitats e de cases de fraudas potencials, avisa las administracions e organs competents per qu'agiscan en consequéncia.