Cort Penala Internacionala

Un article de Wikipèdia, l'enciclopèdia liura.
Anar a : navigacion, Recercar
Estats aguent signat e ratificat l'Estatut de Roma (verd) e estats l'aguent solament signat (arange) en 2013.

La Cort Penala Internacionala es una juridiccion permanenta cargada de jutjar leis individús acusats de genocidi, de crime còntra l'Umanitat, de crime d'agression ò de crime de guèrra. Foguèt oficialament creada lo 1èr de julhet de 2002 après la signatura de l'Estatut de Roma lo 17 de julhet de 1998. Son sèti es oficialament installat a L'Aia mai lei procès pòdon èsser organizats dins d'autreis endrechs. En 2013, 122 estats avián signat e ratificat l'Estatut de Roma e 32 l'avián signat mai pas encara ratificat.

La Cort Penala Internacionala pòu intervenir dins d'afaires implicant leis autoritats deis estats membres, dins d'afaires que se son debanadas sus lo territòri d'un estat membre ò dins d'afaires fisadas per lo Conseu de Seguretat dei Nacions Unidas. De mai, l'iniciativa premiera es laissada ais estats membres e la Cort pòu unicament intervenir en l'abséncia de reaccion dei juridiccions nacionalas.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]