Coronèu generau
Coronèu generau es un grade militar principalament utilizat dins leis armadas inspiradas per lei modèls germanics e rus. Èra ansin present dins l'armada austriana fins a 1938, dins l'armada alemanda fins a 1945 e dins leis armadas dau Pacte de Varsòvia. Èra lo grade pus important en Àustria, lo segond en Alemanha e lo tresen dins lo blòt de l'Èst. Uei, es encara en vigor en Russia ont es totjorn lo tresen grade pus important après manescau de la Federacion de Russia e generau d'armada.
En França, durant lo Regim Ancian, existián egalament de coronèus generaus. Èran d'oficier superior en carga de totei lei regiments d'una meteissa arma. Tròp important, foguèron suprimits per Loís XIV en 1661. Lo grade foguèt rapidament restablit mai dins un ròtle onorific. Tornarmai suprimit per la Revolucion Francesa, foguèt restablit per Napoleon Bonaparte, totjorn dins un ròtle onorific, e definitivament abolit en 1830.