Cornelha (papa)

Un article de Wikipèdia, l'enciclopèdia liura.
Salta a la navegació Salta a la cerca
Retrach dau papa Cornelha dins la Basilica de Sant Pau Fòra lei Muralhas.

Cornelha (en latin: Cornelius; mòrt vèrs 253) foguèt lo 21en evesque de Roma de 251 a 253. Succediguèt a Fabian (236-250) e foguèt remplaçat per Luci Ièr (253-254).

Foguèt elegit en 251 quasiment una annada après l'execucion de Fabian dins lo corrent dei premierei persecucions ordonadas per l'emperaire Deci. Capitèt de gropar lei partisans de la reconcialion ambé lei crestians aguent abjurat sa fe per escapar a la repression romana per averar l'eleccion còntra Novacian, partisan d'una politica d'exclusion deis abjurators. Aquò entraïnèt un esquisma entre lei dos tendàncias mai Cornelha poguèt aprofichar leis institucions creadas per Fabian per ne'n limitar l'influéncia. Au contrari, un sinòde confirmèt sa posicion a la fin de 251 e excomuniquèt Novacian e sei sostèns.

Après aqueu succès, foguèt arrestat en 252 per lei Romans e desportat a Civitavecchia. I moriguèt, probablament de mòrt naturala, aquela annada ò la seguenta.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]