Constantin XI Paleòleg

Un article de Wikipèdia, l'enciclopèdia liura.
Salta a la navegació Salta a la cerca
Representacion de Constantin XI.

Constantin XI Paleòleg (8 de febrier de 1405, Constantinòble - 29 de mai de 1453, Constantinòble) foguèt lo darrier sobeiran de l'Empèri Bizantin dau 31 d'octòbre de 1448 au 29 de mai de 1453. Succediguèt a Joan VIII Paleòleg (1425-1448).

Fiu de l'emperaire Manual II Paleòleg (1391-1425), venguèt cosenhor dau Despotat de Morèa amb son fraire Tòmas en 1443. Restaurèt la muralha de l'Hexamilion que protegissiá lo sud de Grècia e assaièt de renfòrçar son autoritat qu'èra menaçada per lei proprietaris terrencs e per lei magistrats dei vilas. Pasmens, capitèt subretot de resòuvre aquela crisi gràcias a de nominacions de pròches ai cargas importantas sensa modificar l'organizacion prefonda de la província.

En 1448, venguèt emperaire après la mòrt de Joan VIII Paleòleg. Sensa succès, assaièt de trobar d'aliats en Occident per faciar la menaça otomana. Obtenguèt solament l'ajuda de quauqueis aventuriers e mercenaris que renforçèron la pichona garnison de Constantinòble. Atacat a partir d"abriu de 1453 per lei Turcs dau sultan Mehmet II (1451-1481), dirigiguèt la defensa de la capitala e moriguèt durant sa casuda lo 29 de mai de 1453, probablament durant una còntra-ataca.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]