Constantin (papa)

Un article de Wikipèdia, l'enciclopèdia liura.
Salta a la navegació Salta a la cerca
Retrach dau papa Constantin dins la Basilica de Sant Pau Fòra lei Muralhas.

Constantin (mòrt lo 9 d'abriu de 715) foguèt lo 88en papa de la Glèisa Catolica Romana dau 25 de març de 708 au 9 d'abriu de 715. Succediguèt a Sisinni (genier-febrier de 708) e foguèt remplaçat per Gregòri II (715-731).

Au començament de son pontificat, foguèt convocat a Constantinòple per l'emperaire Justinian II per ratificar lei conclusions dau concili in Trullon qu'èran refusadas per la papautat dempuei la fin dau sègle VII. Aqueu concili èra estat destinat a una reforma dei mors dau clergat au sen de la Glèisa d'Orient mai l'emperaire Justinian II aviá assaiat mai d'un còp de l'estendre a la Glèisa Occidentala. Constantin arribèt dins la capitala lo 5 d'octòbre e recebèt un acuèlh fòrça favorable de la populacion. Capitèt d'obtenir la modificacion de certanei decisions dau concili qu'èran tròp contrari au foncionament de la Glèisa Occidentala. Après la partença dau papa, l'emperaire assaièt de modificar tornarmai lei conclusions mai foguèt reversat tre 711 per un còp d'estat militar.

En fòra d'aquel afaire, l'autre eveniment major dau pontificat de Constantin foguèt sa condamnacion dei doctrinas dau monofisisme que donavan una natura unica a Jèsus Crist.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]