Conon (papa)

Un article de Wikipèdia, l'enciclopèdia liura.
Salta a la navegació Salta a la cerca

Conon (mòrt lo 21 de setembre de 687) foguèt lo 83en papa de la Glèisa Catolica Romana dau 21 d'octòbre de 686 au 21 de setembre de 687. Succediguèt a Joan V (685-686) e foguèt remplaçat per Sèrgi Ièr (687-701). Foguèt elegit en causa de son temps avançat après una crisi majora entre lo clergat e lo milícia de Roma qu'avián elegit dos successors diferents per Joan V. Aquela chausida èra provisòri e destinada a trobar una solucion susceptibla de contentar lei militars e lei prèires.

Son pontificat foguèt donc brèu. Assaièt sensa succès de resòuvre la crisi a l'origina de son eleccion. S'ocupèt tanben deis afaires de la Glèisa irlandesa ambé la nominacion de Sant Kilian coma evesque. Puei, lo mandèt en Germania per evangelizar la region de Francònia.Enfin, capitèt de mantenir lei relacions bònas entre Roma e Constantinòble qu'èran estadas restauradas per sei predecessors dempuei lo Tresen Concili de Constantinòble.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]