Compsognathus

Un article de Wikipèdia, l'enciclopèdia liura.
Salta a la navegació Salta a la cerca

Compsognathus (grèc kompsos/κομψος; "elegant", "refinat" o "delicat" e gnathos/γναθος; "maissa" ) es un genre representat per una unica espècia de dinosaure teropòde compsognatid, que visquèt a de fins del periòde Jurassic, fa aperaquí 150 milions d'ans enrè, al Titonian, en çò qu'es uèi Euròpa. Los paleontològs an trobat dos fossils plan preservats, un en Alemanha en 1850 e lo segond en França gaireben un sègle après. Fòrça representacions popularas descrivon encara Compsognathus coma un dinosaure de la talha d'un pol, aquò per encausa de la talha redusida de l'especimèn alemand, que se crei ara èsser una forma juvenila de l'especimèn francés mai grand. Compsognathus Es un dels paucs dinosaures que la dièta se sap amb certitud: los rèstes de cernalhas pichonas, se trapèron dins los estomacs d'ambedós especimèns. Las dents descobèrtas en Portugal pòdrián èsser d'autres fossils del meteis genre.

E mai se foguèsse pas reconegut coma tal al moment de la siá descobèrta, Compsognathus foguèt lo primièr dinosaure conegut amb una esqueleta gaireben complèta. Uèi, Compsognathus longipes es l'unica espècia reconeguda, e mai se se creguèt que l'especimèn pus grand descobèrt en França dins los ans 1970 podiá representar una nòva espècia separada, C. corallestris. Fins als ans 1980 e 1990, Compsognathus èra lo dinosaure pus pichon conegut e lo parent supausat pus pròche de l'ausèl primitiu Archaeopteryx. Aital, es un dels paucs genres de dinosaures plan conegut fòra dels cercles paleontològs.