Clau (sarralha)

Un article de Wikipèdia, l'enciclopèdia liura.
Anar a : navigacion, Recercar
Diferents modèls de claus

Una clau es una aisina que permet de dubrir una sarralha o un cadenat. Las claus son fachas en general d'acièr, encara que se fa de claus d'autres materials e, o tanben, i a de claus electronicas, de fòrma mai classica o en forma de carta. Pòdan aver un ròtle onorific (las claus de la vila que se balhan a de membres distinguits de la comunitat)

La clau es un dels atributs de Sant Pèire, que garda las pòrtas del cèu. Es taben lo simbòl de Microsoft Outlook, un programa de corrièr electronic.

Una clau es tanben un concèpte mai general e s'aplica a quin que siá dispositiu (mecanic o logic) que permet de dubrir, desblocar o deschifrar quicòm que demòra tancat, blocat o chifrat (vejatz clau (criptografia))

Clau de pòrta[modificar | modificar la font]

Una clau es un instrument que s'utilisa per dubrir e tancar las seralhas incorporadas al objèctes que se vòl protegir dels accesses no desirats.

Quan foguèron inventada, las primièras sarralhas èran de grandas bóstia metallicas que demandavan per las dubrir de claus de fèrre fòrça grandas e pesucas. Mas, pendent lo sègle XX se faguèt una evolucion importanta dins lo dessenh de nòus sistèmas de tancadura de pòrtas que donèt l'origina a una gama de claus fòrça variada.

Clau anciana trobada al castèls de Las Tors.

Las claus ancianas èren coma un tube rodon de fèrre que s'acaba per una paleta.

La majoritat de las claus son en acièr, pasmens pels veituras o autres equipaments s'utilizan de claus qu'incorpòran un sistèma electronic per la sdubrir a distància sens besonh d'introduire la clau dins la sarralha. De talas claus òodon tanben servir per mètre en marcha lo motor de l'automobil.

La clau comuna consistís en una peça de metal amb de dents e selhons a la forma de la sarralha e per la dubrir se l'introduís e se la fa virar. Lo cap de la clau es mai larg e plan per que se pòsca agantar e la far virar. Cada fabricant de sarralhas fan una seria complèta de claus diferentas per que se pòsca pas dubrir una sarralha amb de claus d'una autra sarralha del meteis modèl.

Un clau classica e una clau magnetica en forma de carta

Las claus modèrnas de las cambras d'ostalaria, son en fach una carta de plastic onte es codifica un periòde de validitat en accòrdi amb la demorança del client a l'ostelaria.

Las claus per activar la dubertura de pòrtas coma, per exemple, los d'accesses als parcatges privats, son un dispositiu electronic de comanda a distància.

Vejatz tanben[modificar | modificar la font]

Nòtas[modificar | modificar la font]