Ciutat dels Sénhers de Coucy
.JPG)
La ciutat medievala de Coucy, que ven dicha Ciutat dels Sénhers de Coucy (en picard : Chitè à ches Sires Couchy, en francés Cité des Sires de Coucy) es lo grand ensems arquitectural medieval que se tròba en Picardia e qu'es constituit del castèl de Coucy, de la bassa-cort del castèl e de la ciutat de Coucy amb sa longa muralha. Tot comptant, l'embarra e lo castèl de Coucy atènhon aperaquí 2 km de desvelopament e compòrtan trenta-tres torres e tres portaus (demest losquaus lo Portal de Laon, ensems impressionant amb quatre torres e una barbacana).
L'ensems de las fortificacions de Coucy subiguèt de grèus damatges durant la premièra guèrra mondiala, quand l'armada alemanda dinamitèt lo castèl, los tres portaus de la ciutat, sa glèisa e totes los edificis de la vièlha ciutat.
Podèm uèi veire l'embarra de la ciutat amb sos grandaràs portaus, la vièlha glèisa Sant-Salvador (sol edifici que foguèt reconstruch après la guèrra) e las ruïnas del castèl.