Chooc

Un article de Wikipèdia, l'enciclopèdia liura.
Estat de Chooc
Chuuk State
País Micronesia
Capitala Veno
Superfícia 121,5 km²
Lengas oficialas chuukés, anglés
Populacion 48 654 (2010)
Latitud 7° 25′ N
Longitud 151° 47′ È
Mapa de l'estat de Chooc
Còde ISO 3166-2 FM-TRK
Fus orari UTC+10
Creacion 1977
Governador Johnson Elimo
Sit oficial www.fm/chuuk.htm

L’estat de Chooc (Chuuk) es un daus 4 Estats federats de Micronesia. La capitala n’es Veno. Chooc es l’estat mai poblat de Micronesia. I a ’na demanda d'independencia de Micronesia (e de surtida de l’estatut de protectorat american) que se va tradusir per un referendum lo 5 de març de 2019.


Toponimia[modificar | Modificar lo còdi]

Lo mot chuuk vòl diser montanha dins la lenga chooquesa. Era anglicizat en Truk. Lo nom de Chuuk foguet restablit en 1989, tres ans apres l’independencia de la federacion.

Geografia[modificar | Modificar lo còdi]

L’estat agropa maitas archipèlas:

  • l'atòl de Chooc
  • Nomoisofo
  • las illas de Hall
  • l'atòl de Nanòmoïto o illas Magor
  • Patiu
  • las illas de l’Èst (o illas de Mortlock dau Nòrd)
  • las illas Nomòi (o illas de Mortlock dau Sud)

Divisions administrativas[modificar | Modificar lo còdi]

L’estat es devesit en 40 comunas: Weno-Chóniro (ancianament Weno), Fonoton (ancianament Fono), Piis-Panewu (creada en 2004), Tonoas, Fefen, Parem, Siis, Uman-Fonuweisom (ancianament Uman), Udot-Fonuweisom (ancianament Udot), Eot, Ramanum, Fanapanges, Pwene (ancianament Polle), Paata-Tupunion (ancianament Paata), Oneisom (ancianament Wonei), Tolensom (ancianament Tol), Nema, Losap, Piis-Emwar (ancianament Piis-emmwar), Namoluk, Ettal, Moch, Kuttu, Ta, Satowan, Lekinioch (ancianament Lukunoch), Oneop, Houk, Polowat, Tamatam, Pollap, Onoun, Makur, Onou, Unanu, Piherarh, Nomwin, Fananu, Ruo e Murilo.

Las comunas son agropadas en 5 regions per de las rasons estatisticas: tres dins l’atòl de Chooc (Faichooc, Namoneas del Nòrd, Namoneas del Sud), una per las illas de l’Èst e del Sud (Mortlòcks) e l’autra per ’quelas de l’Oèst e dau Nòrd (Ocsoritod).

Istòria[modificar | Modificar lo còdi]

Un daus sieis districtes dau Territòri jos tutela de las Illas dau Pacific, ven a la creacion dels Estats federats de Micronesia, en 1977, un daus quatre estats. Micronesia deven independenta en 1986. L’estat pren lo nom actuau en 1989, apres un referendum.