Centrala nucleara de Tricastin

Un article de Wikipèdia, l'enciclopèdia liura.
Salta a la navegació Salta a la cerca
Los quatre reactors de la centrala de Tricastin.

La centrale nucleaira de Tricastin se situa dins la comuna de Sant Pau de Tricastin, a 10 km de Pèiralata, 28 km al sud de Montelaimar e 50 km al nòrd d'Avinhon. Es la tresena pus anciana centrala del pargue nuclear francés.

Istoric[modificar | modificar la font]

La centrala nucleara de Tricastin foguèt bastida en 1974, e mesa en servici en 1980 (T1 & T2) e 1981 (T3 & T4)[1]. Comprend quatre reactors d'aiga pressurizada (REP) de 900 MW cadun, siá una poténcia totala de 3 600 MW per la centrala[2]. La superfícia del site es de 55 ectaras.

Lo refrejament de la centrala es assegurat per l'aiga del Canal de Donsèra-Mondragon[3]. Lo combustible nuclear nòu arriba per transpòrt rotièr jos forma d'assemblatges fabricats, entre autres, a la FBFC. Lo combustible usat es entrepausat en piscina de refrejament pendent quelques meses, abans d'èsser expediat en tren a l'Usina de retractament de la Hague.

Sa proximitat amb de sites aquatics coma lo Ròse[4] o la Gafièra, lo riu que travèrsa lo site de Tricastin[5]. l'expausa als risques d’aigat.

La centrala produtz cada an aperaquí 25 TWh, siá 6 % de la produccion electrica francesa. L'usina vesina d'enriquiment Eurodif, qu'es uèi a èsser desmantelada, consomava aperaquí 15 TWh per an, siá aperaquí los dos-terces de la produccion de la centrala. Aquela proximitat permetiá de limitar las perdas degudas al transpòrt de l'electricitat.

Referéncias[modificar | modificar la font]

  1. ASN, « Site du Tricastin »
  2. EDF, « Présentation de la centrale du Tricastin »
  3. Donzère: travaux sur le canal pour éviter l'inondation du site nucléaire, sur le site francebleu.fr du 21 mai 2013
  4. Tricastin, quels risques ?, sur le site laprovence.com du 28 mars 2011
  5. Inondation sur le site de la centrale du Tricastin, sur le siteenerzine.com du 16 décembre 2008