Centrala nucleara de Fessenheim
.jpg)
La centrala nucleara de Fessenheim foguèt la primièra centrala nucleara francesa REP de la filièra 900 MW mesa definitivament a l'arrèst. Implantada en bordura del Grand canal d'Alsàcia sul territòri de la comuna de Fessenheim (Aut Ren), sa construccion, decidida a la fin dels ans 1960 pels presidents Charles de Gaulle puèi Jòrge Pompidor, repausava sus la tecnologia dels reactors d'aiga pressurisada de l'entrepresa americana Westinghouse Electric. La centrala èra equipada de dos reactors d'una poissença installada de 900 MWe cadun que permetián d’estalviar un demai d’emission de gas d'efièch de sèrra comprés entre 6 e 12 milions de tonas equivalent CO2 per an, respècte a una produccion equivalenta per de centralas de gas o de carbon[1],[2],[3]..
Son expleitacion comerciala durèt 42 ans, de 1978 a 2020. Los reactors n°1 e n°2 foguèron definitivament arrestats respectivament lo 22 de febrier de 2020 e lo 29 de junh de 2020.