Catedrala de Sent Front
 | |||||||
| Donadas | |||||||
|---|---|---|---|---|---|---|---|
| Tipe | Catedrala | ||||||
| Part de | Camins de Sant Jaume a França (ca)   | ||||||
| Dedicat | Front de Perigús (ca) | ||||||
| Caracteristicas | |||||||
| Estil | Romanic bizantin | ||||||
| Localizacion geografica | |||||||
| Estat | França | ||||||
| Division territoriala francesa | França metropolitana | ||||||
| Region francesa | Nòva Aquitània | ||||||
| Departament | Dordonha | ||||||
| Comuna francesa | Periguers | ||||||
| Localizacion | rue Denfert-Rochereau | ||||||
 | |||||||
| monument istoric catalogat (1840) monument istoric catalogat (1889) part d'un Patrimòni mondial de l'Umanitat (1998) | |||||||
| Plans | |||||||
 | |||||||
| Activitat | |||||||
| |||||||
modificar  |
|||||||
La Catedrala de Sent Front es la catedrala dau diocesi de Perigòrd. Se tròba en Periguers, prefectura dau departament de Dordonha.
La catedrala es nomenada d'après sent Front, que sa legenda ditz qu'evangelizet la region au segle III. Sas relíquias fugueren conservadas dins la catedrala jurqu'en 1575.
Fuguet bastida au segle XII, dins un estil que mesla las influéncias romanicas e bizantinas. De vrai, coma las basilicas de Senta Sofia de Constantinòble e de Sent Marc de Venècia, son plan es en forma de crotz greca e sas cinc copòlas a cluchetons rapelent Sent Marc e es possible que sos bastisseires eran estats sedusits per l'art bizantin au tornar de las crosadas.
Qu'es nonmàs en 1669 que la basilica de Sent Front aquesiguet son titre de catedrala, de per avant detengut per Sent Estefe, gleisa dau quartier de La Ciutat.
De 1852 a 1895, Sent Front es restaurada per Paul Abadie (e d'autres architectes) qu'agrandís las copòlas e ajosta los cluchetons qu'aura se pòden veire. En vertat, quò fuguet una reconstruccion vertadiera, que las copolas s'eran esbolhadas a meitat, e qu'aviá faugut las cobrir jos una charpenta classica. De l'origina, la catedrala gardará mas son cluchier dau segle XII, mas que son architectura de copòlas siá tornada establir aüei. Fau se remembrar qu'en segre, Abadie fuguet chausit per bastir la basilica parisenca dau Sacré Cœur, qu'es pas sens rapelar la catedrala de Sent Front. Los tres lustres monumentaus qu'esclaran la catedrala servigueren per enlusir Notre-Dame de París lòrs dau maridatge de Napoleon III en 1853.
L'orguena de Sent Front, construcha per la maison Merklin-Schutz en 1870, fuguet restaurada en 1998 per Pascal Quorin.
Dempuei 1998, la catedrala es inscricha au Patrimòni Mondiau de l'Umanitat, au titre dau Pelegrinatge de Compostela (estapa sus la Via Lemovicensis).
Ligams externes
[modificar | Modificar lo còdi]
- (fr) Ficha dau Ministeri de la Cultura
- (fr) Ficha sus lo site Structurae.de
- (fr) [https://web.archive.org/web/20070821122105/http://www.atelier-quoirin.com/Perigueux.htm (Pagina de Pascal Quorin sus l'orguena de Sent Front).