Castoroides ohioensis

Eth vibre Castoroides ohioensis, tanben coneishut coma vibre gegant siguèc un rosegaire preïstoric qu'apartenhie ara familha des vibres (castoridae) e demorèc pendent eth pleistocèn en America del Nòrd.

Descripcion

Hèia enquia 2 m e 40 cm e pesava 100 kg. Eth vibre gegant s'escandiguèc hè 10.000 annades, ara fin dera Edat de Gèu. Ère un tipic animal dera megafauna qu'includiva plan de gròssi mamifèrs deth pleistocèn.

L'escandiment d'aguest animal aguèc lòc probablaments per mutacions en er environament ena fin deth pleistocèn. Era arribada der òme ath continent american pòt aver sigut un aute factor important que provoquèc eth sòn escandiment mès i a pas nada pròva que confirme qu'es òmes avien caçat aguest vibre.

Distribucion

Es prumèrs fossils de vibre gegant sigueren descobèrts en 1837 en Ohio (pr'açò eth sòn nom especific ohoiensis). Es fossils de vibre an sigut trapadi en es Grands Lacs, en particular en Illinois e Indiana mès tanben en d'autes airaus d'America del Nòrd, des d'Alaska enquiath Canadà o Florida. Es especimèns trapadi en Florida an sigut classadi en ua auta sosespècia pròpia -Castoroides dilophidus- pr'amor que i a quauques diferències ena estructura des molars e premolars. Bèri uns scientifics an classat quauques rèstes de Florida coma ua espècia pròpia e diferenta (Castoroides leiseyorum).

Ua importanta diferència entre es vibres e es castoroides ei era estructura des dents: es vibres actuaus an quauques incisivi adaptadi entà rosegar era husta. Eres dents deth vibre gigant, totun, èren mès gròsses e longues e creishien enquia 15 cm de longada. D'auta part, era coa d'un castoroide ère mès longa e prima e es sues pates posteriors mès cuertes. Se pensa, tanben, que eth sòn cervèth ère coma eth deth vibre actuau maugrat es granes disparitats des còssi trobadi. Era sua talha poirie aver hèt qu'eth vibre gigant aguese quauques dificultats entà mòir-se mentres ère en tèrra (totun, qu'er ipopotam non n'a pas).

Bastida d'estanques

Non se sap pas de segur s'eth vibre gigant bastie estanques coma es vibres d'aué. Totun, en Ohio s'an trapat estructures semblantes. Eth descorbiment d'ua estanca bastida peth genre Dipoides poirie confirmar que, dilhèu, eth vibre gigant tanben en bastie.

Ath delà d'açò. cau díder qu'eth vibre gigant ei un animal soent brembat pes abitants originari d'America del Nòrd, espciauments pes Micmac de Canadà o es Pocumtuck dera vath de Connecticut.

Bibliografia

· Harrington, C.R. (1996). Yukon Beringia Interpretive Center - Giant Beaver. Retrieved on 2007-09-17. Kurtén, B. and E. Anderson (1980). Pleistocene Mammals of North America. Columbia University Press, pp.236-237. ISBN 0231037333.

· Martin, R.A. (1969). "Taxonomy of the giant Pleistocene beaver Castoroides from Florida". Journal of Paleontology 43 (4): 1033-1041.

· Parmalee, P.W. and R.W. Graham (2002). "Additional records of the Giant Beaver, Castoroides, from the mid-South: Alabama, Tennessee, and South Carolina". Smithsonian Contributions to Paleobiology 93: 65-71.

· Reynolds, P.S. (2002). "How big is a giant? The importance of methods in estimating body size of extinct mammals". Journal of Mammalogy 83 (2): 321-332. doi:10.1644/1545-1542(2002)083%3C0321:HBIAGT%3E2.0.CO;2 .

· Rybczynski, N. (2007). "Castorid phylogenetics: implications for the evolution of swimming and tree-exploitation in beavers". Journal of Mammalian Evolution 14 (1): 1-35. doi:10.1007/s10914-006-9017-3.