Carta nautica

Un article de Wikipèdia, l'enciclopèdia liura.
Salta a la navegació Salta a la cerca
Carta maritima elaborada en 1630 en occitan a Marselha per August Rossin

Una carta nautica es una mena particulara de mapa que representa graficament, a una escala reducha, los elements indispensables per far de navegacion maritima. Se pensa qu'aqueste tipe de carta apareguèt a l'entorn de la mitat del sègle XIII, e una de las primièras mapas conegudas es la Carta pisana, una carta anonima e non datada facha dins la peninsula italiana.

Long del temps, las cartas son estadas melhoradas dins sas representacions e actualament indican tanben la prigondor de l'aiga e l'elevacion del terrenh. Recentament, pòdon inclure tanben d'informacion complementària coma los perilhs de navegacion, la localizacion de las lums e mai d'autras ajudas per se dirigir per mars e oceans.